బిల్లుల మీద చిదంబరం నిరాశావాదం

Posted: 02/05/2014 11:07 AM IST

ఈ రోజు పార్లమెంటు సమావేశాలు ప్రారంభమౌతున్న సందర్భంగా మీడియా ప్రతినిధులతో మాట్లాడిన కేంద్ర ఆర్ధిక మంత్రి చిదంబరం ఆందోళనల వాతావరణాన్ని సూస్తుంటే అసలు ఏ బిల్లైనా ఈ పార్లమెంటు సెషన్స్ లో పాసవుతుందా అన్న అనుమానాన్ని వ్యక్తపరచారు. 

మిత్ర పక్షాల మాటలు, ప్రతిపక్షాల మాటలు చూస్తుంటే ఏ బిల్లు ఎంతవరకు పోతుందో చెప్పలేకుండా ఉన్నారందరూ.  ఇక ఆంధ్రప్రదేశ్ రాష్ట్ర విభజన కేంద్రానికి కొరకరాని కొయ్యగానే తయారైంది.  ఈ రోజు ఉదయం సీమాంధ్ర తెలుగు దేశం పార్టీ ఎంపీలు పార్లమెంటు గేటు దగ్గర రాష్ట్ర విభజనకు ప్రతిగా నినాదాలు చేసారు. 

అయితే ప్రధానమంత్రి మన్మోహన్ సింగ్ మాత్రం ఎప్పటి లాగానే ప్రశాంతంగా బిల్లులు పాసవుతాయనే ఆశాభావాన్ని మీడియా ముందు వ్యక్తపరుస్తూ, అందుకు అందరినీ సహకరించవలసిందిగా కోరారు.

-శ్రీజ