రాయపాటి కొత్త కోరిక

Posted: 12/04/2013 01:07 PM IST

నిన్నటి వరకు నేను సమైక్యాంద్ర కోసం పోరాటం చేస్తున్న అని చెప్పిన ఎంపి రాయపాటి సాంబశివరావు. ఇప్పుడు ప్లేటు ఫిరాయించాడు. సమైక్యాంద్ర ఉద్యమంలో రాజకీయ నాయకులు పాల్గొన్నాలి అని పిలుపునిచ్చిన రాయపాటి ఇప్పుడ కొత్త డిమాండ్ ను తెరపైకి తెచ్చారు. సమైక్యం కోసం రాజకీయ పదవులను సైతం వదులుకోవటానికి ఇష్టపడిన రాయపాటి ఇప్పుడు రాష్ట్ర విడిపోతే మాత్రం తప్పనిసరిగా ఈ డిమాండ్ ను కేంద్ర ప్రభుత్వం తీర్చాలిందేనని అంటున్నారు. రాష్ట్రం సమైక్యాంగా ఉంటే ఒకే. లేకపోతేమాత్రం సీమాంద్రకు గుంటూరును రాజధాని చేయాలని రాయపాటి డిమాండ్ చేస్తున్నారు. తాను ఇప్పటికీ సమైక్యవాదినే అని విభజన జరిగితే గుంటూరు రాజధాని కావాల్సిందేనని చెప్పారు.

 

బ్రిజేష్‌ కుమార్‌ ట్రిబ్యునల్‌ వల్ల రెండు రాష్ట్రాలు ఎడారి అయ్యే ప్రమాదముందన్నారు. మంగళగిరిలోసూపర్ స్పెషాలిటీ వస్తుందనుకుంటే రోశయ్య అసమర్థత ఫలితంగా అది సాధ్యం కాలేదని విమర్శించారు. సీమాంద్ర నాయకులు ఒక తాటిమీద లేకపోవటంతో.. సోనియా గాంధీ తన ఇష్టం వచ్చినట్లు తెలుగు ప్రజల జీవితాలతో ఆటలాడుకుంటుంది. కొంతమంది సీమాంద్ర నాయకులు హైదరాబాద్ ను యూటి చేయ్యాలని కోరుతున్నారు. మరికొందరు రాయల తెలంగాణ కావాలని సోనియా గాంధీని అడుగుతున్నారు.

 

రాష్ట్ర ముఖ్యమంత్రి నల్లారి కిరణ్ కుమార్ రెడ్డి రాష్ట్రాన్ని సమైక్యాంగా ఉంచాలని విశ్వప్రయత్నం చేస్తున్నారు. ఇలా సీమాంద్ర నాయకుల దారులు అడ్డదిడ్డంగా ఉండటంతో.. ఆంద్ర నాయకులు, తెలుగు ప్రజలు అంటేనే ఢిల్లీ పెద్దలకు చులకన బావం ఏర్పడందని రాజకీయ విశ్లేషకులు అంటున్నారు. రాష్ట్రం విడిపోతే.. ఒకరు గుంటూరు రాజదాని, మరొకరు కర్నూల్, ఇంకొకరు వైజాగ్ లను రాజదాని చేయ్యాలనే దానిపై పోటీ పడుతున్నారు గానీ , తెలుగు ప్రజల భవిష్యత్తు గురించి ఆలోచించే నాయకులే కరువయ్యారు.