కర్ణాటకలో ఏడుగురిని మింగిన వోల్వో బస్సు

Posted: 11/14/2013 09:17 AM IST

Seven killed in volvo bus accident at karnataka

గత కొన్ని రోజుల క్రితం మహబూబ్ నగర్ జిల్లాలోని పాలెం వద్ద జబ్బర్ ట్రావెల్స్ కు చెందిన వోల్వో బస్సు ఘోర ప్రమాదానికి గురైన సంఘటనలో 45 మంది సజీవ దహనం అయిన సంఘటన మరవక ముందే కర్ణాటకలో మరో వోల్వో బస్సు ప్రమాదం జరిగింది. ఈ ప్రమాదంలో ఏగుడురు ప్రయాణికులు సజీవ దహనం అయ్యారు.

బెంగళూరు నుంచి ముంబై వెళుతున్న నేషనల్ ట్రావెల్కు చెందిన వోల్వో బస్సు ఈ తెల్లవారుజామున 2.30 గంటల ప్రాంతంలో హవేలీ జిల్లాలోని కునిమల్లళ్లి వద్ద వర్దా నదిని దాటిన తర్వాత రోడ్డు డివైడర్ ను ఢీకొనడం బస్సు టైరు పేలడంతో ఈ సంఘటన చోటు చేసుకున్నట్లు తెలుస్తుంది. ఈ ప్రమాదంలో 7గురు సజీవ దహనం కాగా, మరో 25 మంది గాయపడ్డట్లు సమాచారం. ఈ సంఘటనలో గాయపడ్డ వారిని హుబ్లీలోని కిమ్స్ ఆస్పత్రికి తరలించారు.

వీరిలో 10 మంది పరిస్థితి విషమంగా ఉన్నట్టు తెలుస్తోంది. ఈ బస్సులో మొత్తం 49 మంది ప్రయాణికులు ఉండగా, ప్రమాదం జరిగిన వెంటనే అలర్ట్ అయిన ప్రయాణికులు బస్సులు అద్దాలు పగల కొట్టి బయటకి వచ్చి ప్రాణాలు కాపాడుకున్నారు. నిన్న సాయంత్రం 6.30 గంటలకు బెంగళూరు నుంచి ముంబైకి ఈ బస్సు బయలు దేరింది. డ్రైవర్ నిర్లక్ష్యం కారణంగానే బస్సు ప్రమాదానికి గురయినట్టు తెలుస్తోంది. బస్సు ప్రమాదానికి గురైన సమయంలో 140 నుండి 150 వేగంతో ప్రయాణిస్తున్నట్లు సమాచారం. ప్రమాదం జరిగిన కొద్ది సేపటికే బస్సు పూర్తిగా కాలిపోయింది.

ఈ సంఘటన పై కర్ణాటక ముఖ్యమంత్రి విచారణ కు ఆదేశించారు. డ్రైవర్ల నిర్లక్ష్యమో, ఆర్టీఏ అధికారుల నిద్ర మత్తో కానీ అమాయక ప్రజల ప్రాణాలు గాల్లో కలిసిపోతున్నాయన్నది మాత్రం నిజం. ఇప్పటికే జరిగిన రెండు సంఘటనలతోనైనా అధికారులు మేల్కొని వ్వోల్వో బస్సుల ప్రమాదాలను నివారించాలని ప్రజలు కోరుతున్నారు.