ఈ ఎమ్మెల్యే ఇండియన్ కాదు..

Posted: 08/14/2013 07:08 PM IST

వేములవాడ టీఆర్ఎస్ పార్టీ శాసనసభ్యుడు చెన్నమనేని రమేష్ కి హైకోర్టు షాక్ ఇచ్చింది. టీఆర్ఎస్ పార్టీ శాసన సభ్యుడిగా ఉన్న రమేష్ ఎన్నిక చెల్లదంటూ కోర్టు తీర్పునిచ్చింది. తప్పుడు పౌరసత్వ ధృవీకరణ పత్రం ఇచ్చారని అందుకే ఈ ఎన్నిక చెల్లదని, రమేష్ ఈ దేశపౌరుడు కాదని ఆరోపిస్తూ,ప్రత్యర్ధిగా పోటీ చేసిన ఆది శ్రీనివాస్ కోర్టులో వేసిన  పిటీషన్ పై ఈ తీర్పు వెల్లడించింది. రమేష్ ప్రముఖ నేత, మాజీ ఎమ్మెల్యే చెన్నమనేని రాజేశ్వరరావు కుమారుడు. రమేష్ గతంలో జర్మనిలో నివసించి ఉద్యోగం చేసేవారు. అక్కడి నుండి వచ్చి టీడీపీ లో చేరి వేముల వాడ శాసనసభ సభ్యుడిగా గెలుపొంది, ఆ తరువాత ఆ పార్టీకి రాజీనామా చేసి, ఉప ఎన్నికల్లో టీఆర్ఎస్ పార్టీ తరుపున గెలిచాడు. మరో కొద్ది నెలల్లో మళ్లీ అసెంబ్లీ ఎన్నికలు రాబోతున్నాయి. ఇలాంటి టైంలో ఈ తీర్పు ఇఛ్చినా పెద్ద ఉపయోగం ఏమి లేదేమో ?