తీపి కబురు..

Posted: 07/09/2013 01:10 PM IST

దిగ్గీబాబు మన నేతలకు తీపి కబురు అంటూ... మీరు ఇక పండుగ చేసుకోండి అని తెలంగాణ నేతలకు చెప్పటం జరిగింది. ఆ తీపి కబురు ఏమిటి? అనే దాని పై కాంగ్రెస్ నాయకులు, తెలంగాణ నాయకులు ఆశగా ఎదురుచూస్తున్నారు. రాష్ట్ర విభజన అంశంపై కాంగ్రెస్ అధిష్టానం నుండి వార్తలు లీకవుతూనే ఉన్నాయి. ఈ లీక్ లతో అటు నేతలు, ఇటు ప్రజలు గందరగోళ పరిస్థితిని ఎదుర్కొంటున్నారు. తెలంగాణ అంశాన్ని కాంగ్రెస్ తేల్చేస్తుందని గత కొంతకాలంగా వార్తలు వస్తున్న సంగతి తెలిసిందే. కాని ఇంతవరకు ఎలాంటి నిర్ణయం తీసుకోలేదు. తాజాగా మరో లీక్ వార్త బయటపడింది. తెలంగాణ అంశంపై స్వీటు తినిపించి తీపి కబురు చెబుతారనే వార్తలు బలంగా వినిపిస్తున్నాయి. షెడ్యూల్ ప్రకారం వచ్చే నిర్వహించే కాంగ్రెస్ కోర్ కమిటీ భేటీలో ఈ అంశంపై నిర్ణయం ప్రకటించనున్నారని సమైక్య, ప్రత్యేక వాద నేతలు పేర్కొంటున్నారు. ఈ భేటీలోనే తమకు స్వీటు తినిపించి తీపి కబురు చెబుతారని ఇటు ప్రత్యేక వాద నేతలు, అటు సమైక్య నేతలు అనుకుంటున్నారు. అసలు ఈ భేటీలో ఏ నిర్ణయం తీసుకుంటారో తెలియదు. అధిష్టానం ఎవరికి స్వీటు తినిపిస్తుందో వేచి చూడాల్సిందే.