బాబుపై విరుచుకుపడ్జ కన్నా

Posted: 05/21/2013 08:32 PM IST

Political minister kanna lakshminarayana fire on chandrababu naidu

మంత్రి కన్నా లక్ష్మినారాయణ ఢిల్లీలో మీడియా ప్రతినిధులతో మాట్లాడుతూ. వివాదం అంతా 26 జీవోల చుట్టే తిరుగుతోందని, ఆ అవసరం ఏమిటో చంద్రబాబు చెప్పాలని ఆయన అన్నారు. రాజకీయంగా తనను ఎదుర్కోలేకనే దుష్ప్రచారం చేస్తున్నారని ఆయన విమర్శించారు. తనపై బురద చల్లి తన వ్యక్తిత్వాన్ని దెబ్బ తీసేందుకు చంద్రబాబు ప్రయత్నిస్తున్నారని ఆయన అన్నారు. ఓ జీవోతోనూ తనకు సంబంధం లేదని, నెంబర్ 12 జీవోతో తనకు సంబంధం లేదని ఆయన స్పష్టం చేశారు. తనపై అసత్య ప్రచారం సాగిస్తున్నారని ఆయన అన్నారు. తనపై బురద చల్లుతున్నవారికి ప్రజలే బుద్ధి చెబుతారని ఆయన అన్నారు.

కళంకిత మంత్రులంటూ తన పేరు కూడా ఎందుకు చేరుస్తున్నారని ఆయన చంద్రబాబును అడిగారు. జగన్ ఆస్తుల కేసులో తెలుగుదేశం పార్టీ అధ్యక్షుడు నారా చంద్రబాబు నాయుడు తనపై రాష్ట్రపతికి ఫిర్యాదు చేయడంపై, తనపై ఆరోపణలు చేయడంపై మంత్రి కన్నా లక్ష్మీనారాయణ విరుచుకుపడ్డారు. మాజీ మంత్రి శంకరరావు పిటిషన్‌లో 60 జీవోల ప్రస్తావన ఉందని, అవన్నీ వదిలేసి 26 జీవోలపైనే చంద్రబాబు ఎఁదుకు మాట్లాడుతున్నారని ఆయన అన్నారు.

రాంకీపై సిబిఐ దర్యాప్తు పూర్తి చేసిందని, తన పేరు అందులో రాలేదని ఆయన చెప్పారు. చంద్రబాబు ముద్దాయిగా ఉండి, స్టే తెచ్చుకున్నారని, అటువంటి చంద్రబాబుకు తనపై మాట్లాడే హక్కు లేదని ఆయన అన్నారు. వైయస్ రాజశేఖర రెడ్డి ప్రభుత్వ హయాంలో మంత్రిగా తన బాధ్యత నిర్వహించానని, ఆ విషయాన్ని కోర్టు తేలుస్తుందని, ఆ వ్యవహారంలో తన విషయాన్ని తమ పార్టీ అధిష్టానం పెద్దలు, ముఖ్యమంత్రి చూసుకుంటారని ఆయన చెప్పారు.