పాస్ వర్డ్ రాసుకుని పెట్టుకుంటే ఎవరికంటైనా పడొచ్చనే భయం, రాసుకోకపోతే మర్చిపోయేన్ని వాడకాలు వచ్చేసాయి. ఏటిఎమ్ కార్డ్, క్రెడిట్ కార్డ్, నెట్ బ్యాంకింగ్, ఫోన్ బ్యాంకింగ్, రైలు బస్సు సినిమా టెకెట్ల ఆన్ లైన్ రిజర్వేషన్స్, ఇంటర్ నెట్, ఫేస్ బుక్ లాంటి సోషల్ నెట్ వర్క్స్, ఇలా ఎన్నో సందర్భాల్లో పాస్ వర్డ్ ని ఉపయోగించాల్సి వస్తుంది. అన్నిటికీ ఒకే పాస్ వర్డ్ పెట్టటం మంచిది కాదు, సులభంగా అందరికీ తెలిసే డేట్ ఆఫ్ బర్త్ లేక ఇయర్ ఆఫ్ బర్త్ ఉండగూడదు,
కొన్ని అప్లికేషన్స్ లో తప్పనిసరిగా వాడవలసిన నంబర్లు, అప్పర్ కేస్, స్పెషల్ కేరక్టర్స్ ఉంటాయి, పైగా పాస్ వర్డ్ ని అప్పుడప్పుడూ మారుస్తూ ఉంటేనే క్షేమకరమని సూచిస్తుంటారు. అందువలన పాస్ వర్డ్ గుర్తు పెట్టుకోవటం మెదడుకి భారాన్ని కలిగిస్తోంది. కొన్ని అప్లికేషన్లలో మూడు సార్లు తప్పు పాస్ వర్డ్ కొట్టినట్లయితే ఆరోజుకి లాక్ అయిపోతుంది. ఫోన్ లో ఫోన్ బుక్ పుణ్యమాంటూ ఫోన్ నంబర్లను గుర్తు పెట్టుకునే అవస్తైతే తప్పింది కానీ మిగిలిన వాటిల్లో పాస్ వర్డ్ గుర్తుంచుకోవటం పెద్ద తలనొప్పి కార్యక్రమమైపోయింది.
ఇది అందరికీ వర్తిస్తుంది కాబట్టి అందుకు మార్గాన్ని కూడా కనిపెట్టారు సాంకేతిక మేధావి వర్గం. పాస్ వర్డ్ ని మీ మెదడులోంచి వెతికి తీసి కంప్యూటర్ కి అందించే మార్గం. హెడ్ సెట్ ఒకటి పెట్టుకుంటారు, దానిలోని సెన్సార్ ఫాలభాగాన్ని తాకుతుంటుంది. ఆ హెడ్ సెట్ బ్లూటూత్ ద్వారా కంప్యూటర్ తో సంపర్కం ఏర్పరచుకుంటుంది. మెదడులోని ఇఇజి సిగ్నల్స్ ని అందుకుని వాటి ద్వారా పాస్ వర్డ్ ని తీసుకుని యాక్టివేట్ చేస్తుంది.
ఇది చాలా సురక్షితమంటున్నారు దీన్ని కనిపెట్టిన యూనివర్సిటీ ఆఫ్ కాలిఫోర్నియా బర్క్ లీ స్కూల్ ఆఫ్ ఇన్ఫర్మేషన్ వాళ్ళు. పాస్ వర్డ్ బదులు పాస్ థాట్స్ ఉపయోగపడతాయి. ఒకవేళ మీ పాస్ థాట్స్ ఎవరికైనా తెలిసినా సరే అది వాళ్ళకి ఉపయోగపడదట. ఎందుకంటే మెదడు లోని ప్రకంపనాలు ఎవరికి వారికే విడివిడిగా ఉంటాయి. అందువలన ఆ హెడ్ సెట్ మరొకరు పెట్టుకుంటే వారి మెదడులోంచి వచ్చే ప్రకంపనాలు వేరుగా ఉంటాయి కాబట్టి మీ పాస్ థాట్ వాళ్ళకి పనిచెయ్యదని చెప్తున్నారు.
ఈ పరికరం మీద ఇప్పటికే విస్తృతంగా పరీక్షలు జరిగాయి. వేళ్ళ కదలికల ఇమేజింగ్ తో సహా పాస్ థాట్స్ రహస్యాలు మీ మెదడుకి, ఆ పరికరానికి తప్ప మరొకరికి ఉపయోగపడే అవకాశం లేదని హామీ ఇస్తున్నారు. పది సెకండ్ల కాలం పాటు శ్వాస ను గమనించటమో లేక మరేదైనా ఆలోచన మీద కేంద్రీకరించటమో చేస్తే చాలు మీ పాస్ వర్డ్ తో కంప్యూటర్ పనిచేస్తుంది.
కంప్యూటర్ వాడకంలో విజయానికి అవసరమైనవి రెండే రెండు లక్షణాలు. ఒకటి ఫాస్ట్ నెస్- సత్వర ఫలితాలు, రెండు యాక్యురసీ- కచ్చితమైన ఫలితాలు. ఈ రెండు కూడా ఈ ఇఇజి తో పనిచేసే హెడ్ సెట్ పరికరంలో ఉన్నాయని పరికరాన్ని రూపొందించిన వాళ్ళు తెలియజేసారు.
-శ్రీజ
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more