క్రీయాశీల రాజకీయాలలోకి వస్తున్నా.....

Posted: 04/06/2013 06:10 PM IST

త్వరలోనే తాను రాజకీయాల్లోకి అడుగుపెట్టి పార్టీలో సేవ చేస్తానని నందమూరి బాలకృష్ణ ఈ రోజు కృష్ణా జిల్లా కొమరవోలులో ప్రకటించారు.  ఆయన తండ్రి ఎన్టీ రామారావు స్థాపించిన తెలుగుదేశం పార్టీ గురించి మాట్లాడుతూ, కష్టపడి పనిచేసే వారినెవరినైనా పార్టీ గౌరవిస్తుందని, అందుకు కనీస అర్హతలు, వయసుతో సంబంధం లేదని బాలకృష్ణ అన్నారు. 

క్రియాశీల రాజకీయల్లోకి తాను వచ్చినా, పార్టీలో టికెట్లు అలాంటి సంస్థాగత నిర్ణయాలలో కలుగజేసుకోనని బాలకృష్ణ స్పష్టం చేసారు.  తాను పార్టీలోకి వచ్చేది కేవలం సేవ చెయ్యటానికి మాత్రమేనని ఆయన అన్నారు.  పార్టీని నడిపించటానికి అనుభవఙులు వేరే ఉన్నారన్న సంకేతం ఆయన తన మాటలలో ఇచ్చారు.  పార్టీ అధికారంలోకి వచ్చినప్పుడు ముఖ్యమంత్రి అయ్యేది చంద్రబాబు నాయుడేనన్న విషయాన్ని కూడా బాలకృష్ణ ప్రకటించారు. 

ఈ మాటలు బాలకృష్ణ ఉద్దేశ్యాన్ని బాగానే తెలియజేస్తున్నాయి.  తాను ఎన్టీఆర్ తనయుడే అయినా చంద్రబాబుకి మాత్రం పోటీ కాదన్న విషయాన్ని ఆయన చెప్పకపోయినా ఆయనకీ చంద్రబాబు కి ఉన్న సంబంధాన్నిబట్టి అందరూ అర్థం చేసుకోగలరు.  ఎన్టీ ఆర్ కుటుంబసభ్యులలో చాలామంది ఎన్నో సందర్భాల్లో చంద్రబాబుకి వ్యతిరేకంగా మాట్లాడినా బాలకృష్ణ మాత్రం ఆ పని చెయ్యలేరు కదా.