Posted: 03/14/2013 01:37 PM IST

60 మంది తమిళనాడుకి చెందిన మత్స్యకారులను శ్రీలంక ప్రభుత్వం అరెస్ట్ చేసి వారి 11 బోట్లను స్వాధీనం చేసుకుంది.  ఈ విషయం మత్స్యకారుల సంఘ అధ్యక్షుడు పి.అరుళానందమ్ వెల్లడించారు.  శ్రీలంక కచ్చాతీవు ప్రాంతంలో సముద్రంలో వేటకు పోయిన మత్సకారులను అరెస్ట్ చేసిన శ్రీలంక నావికాదళం,  వారిని పోలీస్ స్టేషన్ కి తరలించారు.  

తంగాచిమడమ్ కి చెందిన ఆ మత్స్యకారులు కచ్చాతీవు అనే స్థలంలో చేపలను పట్టటానికి పోయినప్పుడు నావికా దళానికిచెందిన అధికారులు వారిమీద ఇనప కమ్మలతోనూ, తాళ్ళతోనూ విరుచుకుపడ్డారు.  దానితో 20 మంది మత్స్యకారులు గాయపడ్డారు.  వారిని ముందు రామేశ్వరం ప్రభుత్వ హాస్పిటల్ లో చికిత్స చేసి తర్వాత ఇతర హాస్పిటల్ కి తరలించారు.

నిన్న కూడా తలైమన్నార్ సముద్రజలాలలో వేటకు వచ్చారంటూ 19 మంది మత్స్య కారులను శ్రీలంక అధికారులు అరెస్ట్ చేసారు.  

ఈ రోజు చేపల వేటకు వెళ్ళి అరెస్టైనవారు కచ్చాతీవు 1974లో భారత్ శ్రీలంకకు అప్పగించిన చిన్న దీవి.  ఇక్కడ చేపల వేటకు ఇరు దేశాల వారూ వస్తారు.  దీన్ని తిరిగి భారత్ కి ఇచ్చేయాలంటూ కొందరు రాజకీయనాయకులు ఆందోళన చేసారు.  ఈ దీవిలో మత్స్యాకారులకు కేవలం వలలను ఆరబెట్టుకోవటానికి, అక్కడున్న చర్చిలో ప్రార్ధనలు చెయ్యటానికి మాత్రమే అనుమతి ఉంది.

-శ్రీజ