Posted: 02/21/2013 05:21 PM IST

హైద్రాబాద్ ఔటర్ రింగ్ రోడ్ నర్సింగి వద్ద కూలి పని చేస్తున్న నలుగురి మీదుగా ఈ రోజు ఉదయం ఒక వాహనం దూసుకుపోయింది.  అక్కడికక్కడే మరణించిన ఆ నలుగురిలో ఒక మహిళ కూడా ఉంది.  రోడ్డు పనికోసం కాంట్రాక్టర్ దగ్గర పనిచేస్తున్న ఆ రోజు కూలీలు ఎప్పటిలాగానే ఔటర్ రింగ్ రోడ్డు దగ్గర పనిచేస్తుండగా ఒక వాహనం దూసుకునివచ్చి ఆ నలుగురికీ తగిలి ఆగకుండా వెళ్ళిపోయింది. 

ఈ ఘటన మీద రాజేంద్రనగర్ పోలీస్ సహాయ కమిషనర్ ఎ.ముత్యం రెడ్డ మాట్లాడుతూ, ఆ వాహనాన్ని గుర్తించే ప్రయత్నాలు చేస్తున్నామని చెప్పారు.  టోల్ గేట్ల దగ్గరకు ప్రత్యేకంగా సిబ్బందిని పంపి  ఆ వాహనం ఆచూకీ తీసేందుకు చర్యలు జరుగుతున్నాయని అన్నారు.