Posted: 02/01/2013 12:14 PM IST

ప్రముఖ నటుడు కమల్ హాసన్ నటించిన  విశ్వరూపం సినిమా  వివాదాల్లో చిక్కుకున్న విషయం తెలిసిందే. అయితే  మెగా బడ్జెట్  సినిమా  విశ్వరూపం  పై తమిళనాడు  ప్రభుత్వం  నిషేదం  విధించిన నేపథ్యంలో   పలువురు  ముస్లిం సంఘాల  ప్రతినిధులతో కమల్  హాసన్  నేడు  చెన్నైలో  చర్చలు  జరపనున్నారు.  శాంతి  భద్రతల  సమస్య  తలెత్తుతుందన్న  నిఘా  వర్గాల  సూచనల  మేరకే   సినిమా పై  నిషేదం  విధించినట్లు  నిన్న  తమిళనాడు  ముఖ్యమంత్రి జయలలిత  వెల్లడించారు.  సమస్య పరిష్కారం కోసం ముస్లిం  సంఘాలతో  కమల్  మాట్లాడితే  సహకరిస్తామని  తెలిపారు.  మరోవైపు  నేడు హిందీ  భాషలో దేశ వ్యాప్తంగా  విశ్వరూపం  సినిమా విడుదల  అవుతోంది.  ముంబయిలో  నిన్న పలువురు  ప్రముఖుల కోసం  ప్రీమియర్ షో ఏర్పాటు చేశారు.