Posted: 01/25/2013 12:36 PM IST

దక్షిణ ముంబయిలోని ఓ మురికివాడలో  ఈ రోజు ఉదయం భారీ అగ్నిప్రమాదం సంభవించింది. ఈ ప్రమాదంలో ఆరుగురు సజీవదహనమయ్యారు. పలువురు తీవ్రంగా గాయపడ్డారు. మహిమ్ ప్రాంతంలోని మురికివాడలో శుక్రవారం తెల్లవారుజామున మంటలు చెలరేగి 50 గుడిసెలు పూర్తిగా కాలిపోయాయి. దీంతో గుడిసెల్లో నిద్రపోతున్న ఆరుగురు సజీవదహనమయ్యారు. బాధితులు భోరున విలపిస్తున్నారు. భారీగా ఆస్తి నష్టం సంభవిచినట్లు అధికారులు అంచనా వేశారు. అయితే ఇప్పటికే  ఏడు  అగ్నిమాపక శకటాలు, ఎనిమిది ట్యాంక్ లలతో  సిబ్బంది మంటలను  అదుపులోకి తీసుకువచ్చినట్లు  సమాచారం.  అయితే  ఈ ప్రాంతంలో  గల్లీలు  ఇరుకుగా  ఉండటంతో  సహాయ చర్యలు  చేపట్టడం  ఆలస్యమవుతుందని   అగ్నిమాపక సిబ్బంది  వివరించారు.   స్థానిక  కాంగ్రెస్  ఎంపీ ఏక్ నాథ్ గైక్వాడ్  ఘటనాస్థలాన్ని  సందర్శించి  బాధితులను  పరామర్శించారు.