Posted: 01/13/2013 02:42 PM IST

        పల్లెలకు దీటుగా రాజధాని హైదరాబాద్ నగరంలోని శిల్పారామంలో సంక్రాంతి పర్వదినాన్ని పురస్కరించుకొని వివిధ కార్యక్రమాలను నిర్వహిస్తున్నారు. ఈ (ఆదివారం) సాయంత్రం 4 గంటల నుంచి గంగిరెద్దుల విన్యాసాలు ఉంటాయి. హరిదాసులు, బుడబుక్కల వేషాలు, మాంత్రికుడు సందర్శకులను అలరించనున్నారు. 14న ఉదయం 10 నుంచి గాలిపటాల పోటీలు, 2 నుంచి 4 గంటల వరకు రంగవల్లుల పోటీలు, సంప్రదాయ వంటల పోటీలు, సాయంత్రం 5 నుంచి 6 గంటల వరకు సాంప్రదాయ వస్త్రధారణ పోటీలు, నిర్వహించనున్నారు.
     అంతేకాదు వీటిలో ప్రథమ, ద్వితీయ, తృతీయ స్థానాల్లో నిలిచినవారికి నగదు బహుమతులు, ప్రోత్సాహక బహుమతులు అందజేయనున్నారు. కాగా,  ఈ ఉదయం నుంచీ శిల్పారామానికి వచ్చే సందర్శకుల తాకిడి బాగా పెరిగింది. 

...avnk