Posted: 12/21/2012 12:38 PM IST

అమ్మా.. నాకు బతకాలని ఉంది అని బాధితురాలు అడిగిన మాటలు  దేశమంతా వినిపించాయి.   ఆ బాధితురాలని బతికించటానికి  డాక్టర్లు చాలా కష్టపడుతున్నారు.  దేశంలోని అందరు ఆమె ఆరోగ్యంగా  బతకాలని కోరుకుంటున్నారు. అయితే అత్యాచార బాధితురాలు స్పృహలో ఉందని, ఆమె ఆరోగ్య పరిస్థితి నిలకడగా ఉందని వైద్యులు వెల్లడించారు. అయితే, ప్రమాదస్థాయినుంచి ఆమె ఇంకా బయటపడలేదని పేర్కొన్నారు. వెంటిలేటర్‌పైనే ఉన్న ఆమె శ్వాస తీసుకునేందుకు ప్రయత్నిస్తోందని సఫ్దర్‌జంగ్ ఆసుపత్రి సూపరింటెండెంట్ బి.డి.అతాని తెలిపారు. ఒకరకంగా ఆమె మృత్యువుతో పోరాడుతోందన్న వైద్యులు, ఆమెను సాహసిగా అభివర్ణించారు. రెండు శస్తచ్రికిత్సలను తట్టుకున్న ఆమె గత నాలుగు రోజులుగా ఎంతో క్షోభను అనుభవిస్తోందని తెలిపారు. ఇప్పటికీ ఆమె వెంటిలేటర్ మీదనే ఉందని చెప్పారు. ఆమె తల్లిదండ్రులు, బందువులు బాధతో కుమిలిపోతున్నారు.  వారి బాధను చూసి అక్కడున్న ప్రజల మనసు కరిగిపోతుంది.