Posted: 11/20/2012 01:07 PM IST

తెలుగుదేశం పార్టీ నాయకుడు పయ్యావుల కేశవ్  పై పార్టీలో కొత్త పుకార్లు పుట్టాయి.  తాను వైఎస్ జగన్ పార్టీలోకి  వెళ్తున్నట్లు వచ్చిన వార్తలు  ఎంతో బాధ కలిగించని ఆయన ఆవేదన వ్యక్తం చేశారు.  ఎన్టీఆర్  ట్రస్టు భవన్ లో మీడియాతో  మాట్లాడుతూ  వైకాపాలోకి వెళ్తున్నట్లు వచ్చిన వార్తలను ఖండించిన  పయ్యావుల కంటతడిపెట్టారు.  వైకాపా  వ్యూహంలో భాగంగానే అసత్య ప్రచారం  చేస్తోందని మండిపడ్డారు.  వారు, వీరు వస్తున్నారంటూ  ఆ పార్టీ  మానసికంగా నేతలను  ఆందోళనకు  గురిచేస్తోందని  అన్నారు.  జగన్ తండ్రి వైఎస్తోనే పోరాటం చేసిన  తాను  ఆ పార్టీలోకి వెళ్లే ప్రశ్నే ఉత్పన్నం కాదని స్పష్టం చేశారు.  వైకాపా నేతలకు చిత్తశుద్ది  ఉంటే ఈ విషయంలో కాణిపాకం వినాయకుడి  ఎదుట ప్రమాణం చేయాలని  సవాలు విసిరారు.  ప్రతిష్ఠ , గౌరవాన్ని  దెబ్బతీసేలా  ప్రయత్నిస్తే  బెదిరే మనిషిని తాను కాదని  పేర్కొన్నారు. తెదేపా సైనికుడిగా  పార్టీ కోసం మున్ముందు మరింత కష్టపడతానని ఆయన  చెప్పారు.  మీడియా బాధ్యత, సమన్వయంతో వ్యవహరిస్తే  బాగుంటుందని సూచించారు.