Posted: 10/30/2012 03:36 PM IST

రెండో ప్రపంచ యుద్దం నాటి  పేలని బాంబు లభ్యం కావడంతో  ఉత్తర జపాన్ లోని  ప్రముఖ విమానాశ్రయం మూతపడింది.  సెందాయ్ విమానాశ్రయంలో  రన్ వే వద్ద నిర్మాణ పనులు  చేపడుతున్న కార్మికులు 250 కిలోగ్రాముల పేలని బాంబును గుర్తించి  అధికారులకు సమాచారమందించారు.  వెంటనే  అప్రమత్తమైన అధికారులు 92 విమానాలను రధ్దు చేశారు.  ఆ బాంబును  రెండో ప్రపంచ  యుద్ద సమయంలో  అమెరికా తయారు చేసిందిగా  భావిస్తున్నారు. బాంబును నిర్వీర్యం చేయడానికి  చుట్టుపక్కల ప్రాంతాలలోని ప్రజలను ఖాళీ  చేయించే ప్రయత్నంలో  ప్రభుత్వం ఉంది. రెండో ప్రపంచ యుద్ద సమయంలో  జపాన్ పై అమెరికా ఎక్కువగా  బాంబులు ప్రయోగించింది.  దీంతో ఇలాంటి పేలుడు పదార్థాలు  లభించడం ఇక్కడ  సాధారణమని  అధికారులు తెలిపారు.