Posted: 10/26/2012 12:21 PM IST

ప్రముఖ లలిత సంగీత విద్వాంసుడు.. దర్శకుడు.. పాలగుమ్మి విశ్వనాథం (93) కన్నుమూశారు. గత కొంతకాలంగా ఆయన అనారోగ్యంతో బాధపడుతున్నారు. పాలగుమ్మి విశ్వనాథం తుర్పుగోదావరి జిల్లా తిరుపతిపురంలో 1919లో జన్మించారు. ఆయన పదిహేను వేల పాటలకు పైగా  స్వరపరిచారు. 1955 నుండి ఆయన హైదరాబాద్ లోనే ఉంటున్నారు. ఆల్ ఇండియా రేడియోలో లలిత గీతాలతో శ్రోతల అభిమానాన్ని చూరగొన్న పాలగుమ్మి పొట్టి శ్రీరాములు తెలుగు విశ్వవిద్యాలయంలో లలిత కళల విభాగం ప్రారంభించటానికి విశేష కృషిచేశారు. అనంతరం ఆ విభాగానికి అధ్యక్షుడిగా ఉంటూ ఎంతో మంది గాయనీ గాయకులను తీర్చిదిద్దారు. ఇటీవల ఆయనకు రాష్ట్ర ప్రభుత్వ ఉగాదిపురస్కారంతో పాటు కళారత్న పురస్కారం ఇచ్చి గౌరవించింది. పాలగుమ్మి మరణం సంగీతకళకు తీరని లోటని ప్రముఖులు తమ సంతాప సందేశాలు తెలియచేస్తున్నారు.

...avnk