Posted: 08/05/2012 04:12 PM IST

      రాష్ట్రంలో వివిధ లావా దేవీల రశీదులు, ధ్రువపత్రాలకు ఎలక్ట్రానిక్‌ పద్ధ తిలో డిజిటల్‌ సంతకాల చెల్లుబాటుకు వీలు కల్పిస్తూ రాష్ట్ర ప్రభుత్వం ఉత్తర్వులు జారీ చేసింది. అన్ని ప్రభుత్వ వ్యవహారాలకు ఇంకు సంతకం, రబ్బరు స్టాంప్‌లకు బదులుగా డిజిటల్‌ సంతకాలు చేయాలని అధికారులకు స్పష్టం చేసింది. దీనికనుగుణంగా రాష్ట్ర ఆర్థిక కోడ్‌లోని ఆంధ్రప్రదేశ్‌ ఖజానా కోడ్‌, ఆర్థిక నిబంధనలను ఈ మేరకు సవరిస్తున్నట్లు ప్రభుత్వం ప్రకటించింది. రాష్ట్ర ఆర్థిక ముఖ్య కార్యదర్శి వి.భాస్కర్‌ ఈ ఉత్తర్వులు జారీ చేశారు. వివిధ బిల్లులు సర్టిఫికేట్లకు డిజిటల్‌ సంతకంతో ఇవ్వడానికి ఆ జివోలో అనుమతించారు. ఇన్ఫర్మే షన్‌ టెక్నాలజీ (ఎలక్ట్రానిక్‌ సర్వీస్‌ డెలివర్‌) రూల్స్‌, 2011 ప్రకారం ఈ అనుమతి ఇస్తున్నట్లు ఆ జివోలో వివరించారు. ఈ డిజిటల్‌ సంతకాల వల్ల ఈ సేవా, మీ సేవా కేంద్రాలలో మరిన్ని సర్టిఫికేట్లు అందుబాటులోకి రానున్నాయి.

...avnk