Posted: 08/02/2012 05:14 PM IST

ఈ మధ్య కాలంలో రాజకీయ పార్టీలు పుట్టగొడుగుల్లా  పుట్టుకొస్తున్నాయి.. పదవి కోసం ప్రయత్నించి భంగపడిన వారు, ముఖ్యమంత్రి  కావాలనే ఉధ్యేశ్యంతో ఇంకొకరు, తన కులానికి రిజర్వేషన్లు కావాలని పోరాడే వారు , ఇలా చెప్పుకుంటూ పోతే ఎందరో రాజకీయ పార్టీలు పెట్టిసి ఏదో చేద్దామనుకునేవారు  చాలానే ఉన్నారు. కానీ దేశంలో అవినీతి కోసం పోరాడే అన్నా హజారే కూడా రాజకీయ పార్టీ పెట్టడానికి సిద్ధమయ్యాడంటే మనం ఆశ్చర్యపోవాల్సిందే..

దేశంలో అవినీతికి వ్యతిరేకంగా పోరాడుతున్న అన్నా హజారే బృందం రాజకీయ పార్టీని స్థాపించాలని నిర్ణయించింది. ఈ మేరకు అన్నా బృందం సభ్యులు ప్రకటించారు.. అంతేకాకుండా  రేపు సాయంత్రం దీక్ష విరమించాలని  కూడా అన్నా హజారే బృందం నిర్ణయించుకున్నట్లు సమాచారం.అన్నా బృందం సభ్యులు చేసిన ప్రకటనను హజారే కూడా సమర్థించారు.. రాజకీయ పార్టీని స్థాపించడం తప్పుకాదని, రాజకీయాలు తనకు అవసరం లేదని, తాను ప్రభుత్వానికి వ్యతిరేకంగా పోరాడతానని హజారే ప్రకటించారు.. అన్నా దీక్షపై కేంద్ర ప్రభుత్వం స్పందించకపోవడంతో రాజకీయ పార్టీ రూపకల్పన చేయాలని ఆలోచనలో పడినట్లు సమారం.  మరి ఈ నేపధ్యంలో వీరి పార్టీని ప్రజలు ఎంత వరకు ఆదరిస్తారో చూడాలి.