Posted: 07/31/2012 11:14 AM IST

అక్రమ గనుల ఘనుడు గాలి జనార్థన్ రెడ్డి బెయిల్ ఫర్ సేల్ కేసులో కంప్లీ ఎమ్మెల్యే సురేష్ బాబును ఎసిబి అధికారులు అరెస్టు చేశారు. గతంలో ఈ కేసులో జడ్జిలు అరెస్టయిన విషయం తెలిసిందే.  ఈ కేసులో ఎమ్మెల్యే హస్తం ఉందని తెలుసుకున్న ఎసిబి అధికారులు  ఆయన కోసం తీవ్రంగా గాలిస్తుంది.. ఈ నేపథ్యంలో సోమవారం సాయంత్రం కోర్టులో లొంగిపోతానంటూ తన న్యాయవాదితో ఫోన్‌లో మాట్లాడుతుండగా సెల్‌ఫోన్ సిగ్నల్ ఆధారంగా ఏసీబీ అధికారులు ఆయన్ను గుర్తించి అరెస్టు చేశారు. నోటీసుల గడువు ఈ నెల 29కి పూర్తి కావడంతో 30న సాయంత్రం ఐదున్నర ప్రాంతంలో లొంగిపోయేందుకు బళ్లారి ఎంపీ శాంత, రాయచూరు ఎంపీ సన్న పక్కీరప్పతో కలిసి సురేష్‌బాబు ఏసీబీ కోర్టు సమీపానికి వచ్చారు.

అప్పటికే విషయం తెలియడంతో కోర్టుకు కొద్దిదూరంలో కాపు వేసిన తమ అధికారులు సురేష్‌బాబును అరెరస్టు చేసినట్లు ఏసీబీ డైరెక్టర్ జనరల్ బి.ప్రసాదరావు తెలిపారు. ఆయనను ఎంజేమార్కెట్ సమీపంలోని ఏసీబీ ప్రధాన కార్యాలయానికి తరలించి విచారిస్తున్నారు. ఎమ్మెల్యే సురేష్‌ను ఇవాళ కోర్టులో హాజరు పరచనున్నట్లు  ఏసీబీ అధికారులు తెలిపారు.