Posted: 07/10/2012 01:43 PM IST

స్థూలకాయులకు శుభవార్త. స్థూలకాయంతో బాధ పడేవారి సంఖ్య రోజు రోజుకు పెరిగిపోతుంది. మందులు, ఆపరేషన్ల బెడద లేకుండా ఈ టీకాతో స్థూలకాయులకు చికిత్స అందించే అవకాశం అందుబాటులోకి వచ్చింది. ప్రపంచంలోనే తొలిసారిగా టీకా సిద్ధమైంది. అమెరికన్ శాస్త్రవేత్తలు రూపొందించిన జేహెచ్17, జేహెచ్18 అనే రెండు రకాల వేక్సిన్లు ప్రయోగదశలో సత్ఫలితాలను ఇచ్చాయి. పెప్టైడ్ హార్మోన్‌లకు చెందిన సొమాటోస్టేటిన్‌తో సౌత్ డకోటాలోని ఓ బయోటెక్ సంస్థ నిపుణులు ఈ టీకాను రూపొందించారు. గ్రోత్ హార్మోన్(జీహెచ్)లను నిరోధించడంలో ఈ టీకా సమర్థంగా పనిచేస్తోందని, దాంతో బరువు తగ్గిపోవడం ఖాయమని పరిశోధకులు వెల్లడించారు.