స్వీడన్ దేశానికి తూర్పు తీరాన.. ఫిన్లాండ్ పశ్చిమ తీరాన.. రెండు దేశాలకూ నడిమధ్యన బోత్నియా జలసంధిలో.. బాల్టిక్ సముద్రం అడుగు భా గంలో.. 285 అడుగుల కింద.. 60 అడుగుల వ్యాసంలో విస్తరించి ఉన్న ఆ ఆకృతి ఏమిటి? ఏడాది క్రితం స్వీడిష్ ట్రెజర్ హంటర్ల కంటపడిన ఆ ఆకృతి.. యూఎఫ్వో (అన్ ఐడెంటిఫయింగ్ ఫ్లయింగ్ ఆబ్జెక్ట్)నా? ఆకాశం నుంచి కూలిపడిందా? ..దాదాపు ఏడాదికాలంగా వేధిస్తున్న ఈ ప్రశ్నలకు సమాధానాలను వెతుకుతూ వెళ్లిన 'ఓషన్ ఎక్స్' బృంద అన్వేషకులకు ఒక విచిత్ర అనుభవం ఎదురైంది! సముద్ర గర్భాన యూఎఫ్వోకి 200 మీటర్ల దూరానికి చేరేసరికే వారివద్ద ఉన్న ఎలక్ట్రానిక్ పరికరాలు పనిచేయలేదు. శాటిలైట్ ఫోను, కొన్ని కెమెరాలు ఉన్నట్టుండి స్విచ్ ఆఫ్ అయిపోయాయి. ఆ 200 మీటర్ల పరిధిలోంచి బయటికొచ్చాక ఆన్చేస్తే బాగానే పనిచేశాయి. మళ్లీ దాని సమీపంలోకి వెళ్లగానే ఆగిపోయాయి. "ఎలక్ట్రానిక్ వస్తువేదైనా సరే.. మా శాటిలైట్ ఫోన్తో సహా.. ఆ వస్తువు సమీపంలోకి వెళ్లేసరికి పనిచేయడం మానేసింది'' అని ఓషన్ ఎక్స్ బృందంలోని డైవర్ స్టెఫాన్ హోగర్బోర్న్ తెలిపారు.
సముద్రగర్భాల్లో సంపద కోసం అన్వేషించేవారికి బాల్టిక్ సీ ఒక తరగని నిధి లాంటిది. దీని అడుగున దాదాపు లక్ష వస్తువులున్నట్టు అంచనా. అలా నిధుల వేటలోనే కొందరు అన్వేషకులు గతేడాది మే నెలలో దీని ఉనికిని పసిగట్టారు. ఆ ఆబ్జెక్ట్ నుంచి 985 మీటర్ల మేర రన్వే లాంటి దారిని కూడా వారు అప్పట్లో కనుగొన్నారు. "అది.. ఏదైనా ఉల్క కావచ్చు, గ్రహ శకలం కావచ్చు లేదా అగ్నిపర్వతం, ప్రచ్ఛన్న యుద్ధ కాలం నాటి 'యు' బోట్ కావచ్చు,గ్రహాంతర నౌక... ఏదైనా కానీ, అదొక అసాధారణమైన వస్తువు అని మాత్రం చెప్పగలను'' అని ఓషన్ ఎక్స్ బృందంలోని డెన్నిస్ యాస్బెర్గ్ అభిప్రాయపడ్డారు. అయితే మరికొందరు మాత్రం.. ఆ నిర్మాణం రూపురేఖలను రూపొందించిన సోనార్ సాంకేతిక పరిజ్ఞానంపై అనుమానాలు వ్యక్తం చేస్తున్నారు. ఎందుకంటే గతంలో కూడా సోనార్ పరిజ్ఞానంతో చిత్రీకరించిన కొన్ని అసాధారణ రూపాలు చివరికి సాదాసీదా రాళ్లుగా తేలాయి.
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more