Posted: 05/16/2012 04:12 PM IST

పాశ్చాత్య సంస్కృతి విషమించి మన హిందూ సాంప్రదాయాలకు విఘాతం కల్గిస్తున్నాయి. గతంలో హిందువులకు సంబంధించిన లక్ష్మీదేవి లాంటి బొమ్మలను వివిధ ఉత్సత్పుల పై ప్రింట్ చేశారు. ప్రముఖులలో ఒకరైనా చెగువీరాని కూడా చెప్పుల పై ముధ్రించి అమ్మారు. వీటి పై అనేక ధుమారాలు రేగాయి. తాజాగా హిందువులకు సంబంధించిన హిందూ దేవత బొమ్మను కూడా అవిత్రం చేసింది అమెరికా కంపెనీ.

తాజాగా అమెరికాకు చెందిన ఓ మద్యం కంపెనీ హిందూ దేవత పేరుతో ఏకంగా బీరు అమ్మకాలకు బరితెగించింది. 'బర్న్‌ సైడ్ బ్రూయింగ్' అనే కంపెనీ 'కాళీమాత బీరు' పేరిట మార్కెట్లోకి తన ఉత్పత్తులను విడుదల చేసి హిందువుల మనోభావాలను గాయపరిచింది. దీనిపై మంగళవారం రాజ్యసభలో సభ్యులు భగ్గుమన్నారు.  ఈ అంశంపై తక్షణం భారత్‌లోని అమెరికా రాయబార కార్యాలయం నుంచి క్షమాపణ కోరాలని బీజేపీ సభ్యులు గట్టిగా డిమాండ్ చేశారు. జీరో అవర్‌లో ఆ పార్టీ సభ్యుడు రవి శంకర్ ప్రసాద్ ఈ అంశాన్ని లేవనెత్తారు. "నల్లని కాళికామాతలోని అఖండ సత్యాన్ని ఆరాధించండి అంటూ ఆ కంపెనీ విడుదల చేసిన ప్రకటన మరింత దారుణం'' అని మండిపడ్డారు. జరిగిన తప్పునకు సదరు అమెరికా కంపెనీ లెంపలేసుకుంది. కాళికామాత పేరును తొలగిస్తామని ప్రకటించింది.