Posted: 05/16/2012 12:17 PM IST

కర్ణాటక మాజీ ముఖ్యమంత్రి యడ్యూరప్పకు దెబ్బ మీద దెబ్బ పడుతుంది. అక్రమ మైనింగ్ కేసులో పదవి పోగొట్టుకున్న యడ్యూరప్ప పై సీబీఐ నిన్న ఎఫ్ఐఆర్ నమోదు చేసింది. ఎఫ్ఐఆర్ నమోదు చేసి 24 గంటలు గడవక ముందే అతని ఇంటి పై సిబిఐ అధికారుల సోదాలు నిర్వహిస్తున్నారు. దీంతో యడ్యూరప్ప మళ్ళీ చిక్కుల్లో పడ్డారు.

1. బెంగళూరులోని ఆయన నివాసంపై సీబీఐ దాడులు చేస్తోంది. బుధవారం తెల్లవారుజాము నుంచి ఆయనకు చెందిన రెండు ఇళ్లల్లో సోదాలు చేస్తోంది. అలాగే ఆయన కుమారులు రాఘవేంద్ర, విజయేంద్ర, అల్లుడు రోహన్‌ ఇళ్లలో కూడా ఏకకాలంలో సీబీఐ దాడులు జరుగుతున్నాయి. ఈ దాడులలో ఎనమిది టీం లు పాల్గొన్నట్లు సమాచారం. డాలర్స్‌ కాలనీ, షిమోగా రెసిడెన్స్‌లోని యెడ్డీ ఇళ్లలో ఈసోదాలు కొనసాగుతున్నాయి. ఈ దాడులు ఈ రోజు సాయంత్రం వరకు జరిగే అవకాశం ఉన్నట్లు తెలుస్తుంది. ఇప్పటికే దాడుల్లో పలు కీలక పత్రాలను సీబీఐ స్వాధీనం చేసుకుంది.