Posted: 05/11/2012 04:45 PM IST

ప్రేమలో పడిన వారికి తార్కిక బుద్ధి ఉండదన్నాడో ఇంగ్లీషు కవి. తన వద్దకు వచ్చిన దీపూ కుమార్ కేసులో ఢిల్లీ అదనపు సెషన్స్ జడ్జి వీరేందర్ భట్ కూడా ఇదే అభిప్రాయంతో తీర్పు నిచ్చారు. ఢిల్లీకి చెందిన 21 సంవత్సరాల దీపు తన ప్రియురాలిని పెళ్లి చేసుకోడానికి ఇంట్లో చెప్పకుండా తీసుకెళ్లాడు. ఇందుకు అతని ప్రియురాలే ముందుగా ఒత్తిడి చేసింది. కానీ ఆ అమ్మాయి మైనరు కావడంతో కోర్టు దీపును దోషిగా భావిస్తూ ఒక రోజంతా కోర్టు గదిలో ఉండాలని తీర్పు నివ్వడంతో పాటు వెయ్యి రూపాయల జరిమానా విధించింది. అమ్మాయి మేజరో కాదో తెలుసుకోవాల్సిన బాధ్యత అబ్బాయిదేనని కోర్టు భావించింది. ప్రేమలో పడిన వాళ్లు పిచ్చి వారుగా మారతారని చెప్తూ, వాళ్లు తార్కికంగా ఆలోచిస్తారని భావించలేమని కోర్టు వ్యాఖ్యానించింది.