Posted: 04/26/2012 11:33 AM IST

టీడీపీ పార్టీ అధ్యక్షుడు ఈ మధ్య ప్రచారంలో తమ పార్టీని విడిచి పెట్టిన కార్యకర్తలు తిరిగి టీడీపీలోకి రండి... రానున్న కాలం మనదే... అంటూ పదే పదే ప్రచారం చేస్తున్న కొద్ది టీడీపీ నుండి ఒక్కక్కరు జారుకుంటున్నారు. తెలంగాణ ప్రాంతానికి చెందిన మాజీ డీజీపీ పేర్వారం రాములు పార్టీని విడిచి టీఆర్ఎస్ లో చేరారు. తాజాగా విజయనగం జిల్లా చీపురుపల్లికి చెందిన మాజీ శాసన సభ్యుడు గద్దె బాబురావు టీడీపీ పార్టీ సభ్యత్వానికి రాజీనామా చేశారు. ఈ సందర్భంగా ఏర్పాటు చేసిన సమావేశంలో మాట్లాడుతూ... టీడీపీ పార్టీలోకి చంద్రబాబు నన్ను ఆహ్వానించి అనేక అవమానాలకు గురి చేశాడని... వాటిని భరించడానికి ఎవరికైనా హద్దు ఉంటుందని, అవమానాలకు భరించలేకే టీడీపీకి రాజీనామా చేశానని చెప్పారు.

చీపురుపల్లి నియోజక వర్గంలో పార్టీ కార్యకర్తలు రెండు గ్రూపులుగా పార్టీ అధిష్టానం చేసి అనేక అవమానాలకు గురిచేస్తుందని అందుకే రాజీనామా చేశానని అన్నారు. టీడీపీని వీడిన నేపథ్యంలో ఆయన వైఎస్సార్ కాంగ్రెస్‌లోకి వెళతారన్న ప్రచారం జరుగుతోంది.