Posted: 04/10/2012 04:33 PM IST

ఈనాడు సంస్థల అధినేత రామోజీరావు పై ప్రముఖ రచయిత్రి మాలతీ చందూర్ ఫైర్ అయ్యారు. ఈనాడులో వచ్చిన పొట్టి శ్రీరాముల కథనం పై ఆమె తీవ్ర స్థాయిలో మండి పడ్డారు. చెన్నైలోని పొట్టి శ్రీరాములు మందిరం పై ఈనాడులో ఓ కథనాన్ని ప్రచురించింది. ‘‘అద్దెకు అమరజీవి’’ అనే టైటిల్ తో వచ్చిన ఈ కథనం పై ఆమె స్పందించారు.

మాలతీ చందూర్ మాట్లాడుతూ.. తాము రాసిందే జర్నలిజం అనుకుంటున్నారా అంటూ ఆమె ఈనాడు పత్రికా రచయితలపై మండిపడ్డారు. వాస్తవాలను దాచి అసత్యాల్సి ప్రచారం చేస్తే సహించేవారు లేరని ఆమె వ్యాఖ్యానించారు. పొట్టి శ్రీరాములు స్మారక మందిరం నిర్వహణ కోసం యేటా ప్రభుత్వం రెండు లక్షల రూపాయల గ్రాంట్ ఇస్తోందని, దాన్ని భవన నిర్వహణకు వినియోగిస్తున్నామని ఆమె చెప్పారు. మాలతీ చందూరు ఆ మందిరం నిర్వాహక కమిటీ అధ్యక్షురాలిగా ఉన్నారు. ఇక పై ఇలాంటి కథనాలు వ్రాస్తే సహించేది లేదని రామోజీరావుకు వార్నింగ్ కూడా ఇచ్చినట్లు సమాచారం.