https://www.teluguwishesh.com/
జాతీయ జట్టు ఎంపికకు ప్రతిభే కొలమానం. ఐపీఎల్ కూడా ఇందుకు మినహాయింపు కాదు. పొట్టి క్రికెట్‌కు అతికినట్టు సరిపోయే ఆటగాళ్లను ఆయా జట్లు ఏరి కోరి మరీ తీసుకుంటాయి. అలాంటిది ఐపీఎల్‌లో ఒక్క మ్యాచ్ కూడా ఆడకుండానే ఓ ఆటగాడు (?) నాలుగేళ్లుగా జట్టులో ఉంటున్నాడంటే.. ఎవరైనా విస్తుపోవాల్సిందే! డ్రెస్సింగ్ రూమ్‌లో తప్ప మైదానంలో అసలు కనిపించడు. ఇప్పటిదాకా దాదాపు 30-40 లక్షల రూపాయల పారితోషికం తీసుకున్నాడు.
ఇక జాతీయ అండర్-19 జట్టుకూ ఎంపికైనా ఇతగాడు ఆడిందిలేదు. వినడానికి ఆశ్చర్యంగా ఉన్నా ఇది నిజంగా నిజమే! ఇంతకీ ఆ ఘనుడు ఎవరంటే.. బీహార్ మాజీ ముఖ్యమంత్రి, కేంద్ర రైల్వే శాఖ మాజీ మంత్రి, రాష్ట్రీయ జనతాదళ్ అధ్యక్షుడు లాలూ ప్రసాద్ యాదవ్ పుత్రరత్నం తేజస్వి యాదవ్! లాలూ కొడుకా.. మజకానా! ఐపీఎల్‌లో ఢిల్లీ డేర్‌డెవిల్స్‌కు ప్రాతినిధ్యం వహిస్తున్న 22 ఏళ్ల తేజస్వి గత నాలుగు సీజన్లలో ఒక్కటంటే ఒక్క మ్యాచ్ కూడా ఆడిన పాపానపోలేదు.
తాజాగా జరుగుతున్న ఐపీఎల్-5లోనూ ఢిల్లీ జట్టులో ఉన్నాడు. కాకపోతే మైదానంలో కనిపించడంతే! మనోడు 2010 నుంచి దేశవాళీ క్రికెట్‌లో ఆడకపోయినా ఢిల్లీ యాజమాన్యం అతణ్ని జట్టులో కొనసాగిస్తోంది. ఏదేమైనా తేజస్వి క్రికెట్ ప్రతిభాపాటవాలు మెచ్చి జట్టులోకి తీసుకోలేదనే విషయం అర్ధమవుతోంది. 'నాకూ ఆడాలనే ఉం ది. కానీ జట్టులో చాలామంది ప్రతిభావంతులైన ఆటగాళ్లున్నారు. అవకాశం కోసం ఎదురు చూస్తున్నా. అంతర్జాతీయ క్రికెటర్లతో డ్రెస్సింగ్ రూమ్ పంచుకోవడం సంతోషంగా ఉంటుంది' అని తేజస్వి సెలవిచ్చాడు.
ఇక 2008లో అండర్-19 ప్రపంచ కప్‌కు ఎంపిక చేసిన 15మంది సభ్యుల జట్టులో తేజస్వికి తొలుత స్థానం దక్కలేదు. అయితే, లాలూ జోక్యంతో సీన్ మారిపోయిందట. బీసీసీఐ ఏకంగా నిబంధనలను మార్చి మరో ఐదుగురిని ఎంపిక చేసింది. ఆ ఐదుగురిలో తేజస్వి కూడా ఉన్నాడు. ఇంతా చేసింది అతని క్రికెట్ ముచ్చట తీరడానికా అంటే కానే కాదు. పోనీ డబ్బుల కోసమా అంటే లాలూ ముద్దుల తనయుడికి ఆ అవసరమేలేదు. తేజస్వికి ఎందుకంత ఆసక్తి అంటే.. అంతర్జాతీయ స్టార్లతో డ్రెస్సింగ్ రూమ్ పంచుకోవడం ఇతగాడికి స(దు)రదానట! క్రికెటర్ కావడానికి ఆట అవసరం లేదనడానికి లాలూ సుపుత్రుని ఉదంతమే నిదర్శనం! అన్నట్టు ఈ కుర్రాడు ఏదో ఒకరోజు టీమిండియా డ్రెస్సింగ్ రూమ్‌లో దర్శనమిచ్చినా ఆశ్చర్యపోవాల్సిన పనిలేదు
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more
GOLD : Rs./gm