Posted: 03/30/2012 11:04 AM IST

పాడయిపోయిన మొబైల్‌ఫోన్లు పడేస్తున్నారా! అయితే చేతులారా బంగారం జారవిడుచుకున్నట్లే. అదేంటని ఆశ్చర్యపోతున్నారా! అవును ఇప్పుడు మీ పాడయిపోయిన మొబైల్‌ఫోన్‌నుంచి బంగారం, వెండి, రాగి తయారుచేయవచ్చు. ఇది చైనా నిరూపించింది. పడేసిన పదికోట్లమొబైల్ ఫోన్లనుంచి 1500 కేజీల బంగారం, 30,000కేజీల వెండి, పదిలక్షల కేజీల రాగిని తీసి చైనా సరికొత్త చరిత్ర సృష్టించినట్లు అక్కడి పీపుల్స్ డెయిలీ పత్రిక పేర్కొంది. ప్రతి సంవత్సరం ప్రపంచంలో 40 కోట్ల మొబైల్‌ఫోన్లు పడేస్తుండగా ఒక్క చైనాలోనే పదికోట్లు ఫోన్లు పడేస్తున్నారని ఈ పత్రిక పేర్కొంది. ఒక మొబైల్‌ఫోన్ తయారికీ 0.1శాతం బంగారం, 20-25శాతం రాగి, 40-50 శాతం ప్లాస్టిక్‌ను ఉపయోగిస్తారని, టన్ను మొబైల్‌ఫోన్లలో 150 గ్రాముల బంగారం, 3కేజీల వెండి, 100కేజీ రాగి లభిస్తుందని ఒక అధ్యయనంలో వెల్లడైనట్లు డెయిలీ వివరించింది.