Posted: 03/28/2012 06:30 PM IST

కేవలం 20 రోజుల క్రితం జన్మించిన ఓ చిన్ని కుక్క పిల్ల, ప్రపంచంలోని పాప్‌ స్టార్లలో ఒకటిగా నిలిచింది. ఉత్తర కాలిఫోర్నియాలోని జంతు సంరక్షణ సంస్థ 'ది గ్రేస్‌ ఫౌండేషన్‌' నిర్వాహకులు గర్భం దాల్చిన డచ్సుంద్‌ మిక్స్‌ అనే ఆడ శునకాన్ని కాపాడారు. ఈ శునకం రెండు వారాల తర్వాత ఈ నెల ఎనిమిదో తేదీన ఐదు పిల్లలకు జన్మనిచ్చింది. అందులో అన్నింటికన్నా చిన్న కుక్క పిల్ల ప్రపంచంలోని కుక్క పిల్లల కంటే చిన్నదిగా రికార్డు నెలకొల్పింది. ఈ కుక్క పిల్ల హృదయ స్పందన లేకుండా జన్మించడంతో శాఖాహార ప్రియులు, దాని చాతిపై వత్తిడి తేవడం ద్వారా శ్వాసను కల్పించారు. ఈ కుక్క పిల్లకు బెయోన్స్‌ అనే పేరు కూడా పెట్టారు. మరో రెండు వారాల తర్వాత ఎవరైనా ఈ కుక్క పిల్లను దత్తత తీసుకోవచ్చునని ది గ్రేస్‌ ఫౌండేషన్‌ పేర్కొంది. బెయోన్స్‌కు ప్రపంచంలోకెల్లా అతిచిన్న కుక్క పిల్లగా రికార్డు నమోదు చేయాలని ఫౌండేషన్‌ నిర్వాహకులు, గిన్నిస్‌ వరల్డ్‌ బుక్‌ రికార్డ్సుకు దరఖాస్తు సమర్పించారు.