Posted: 03/24/2012 03:36 PM IST

           ఎప్పుడూ వివాదాస్పద ప్రకటనలు చేస్తూ వార్తల కెక్కే కాంగ్రెస్ నేత, కంటోన్మెంట్ ఎమ్మెల్యే శంకర్రావు. ఈ సీనియర్ నేత ఉగాది అనంతర భవిష్యవాణి వినిపించారు.  తాజా రాజకీయ పరిస్థితులపై ఈ మాజీ మంత్రివర్యులు విశ్లేషణ ఇచ్చారు. ఏప్రిల్‌లో సీఎం మార్పు ఖచ్చితంగా ఉంటుందని ఆయన తెలిపారు. తానేదో ఏప్రిల్ సందర్భంగా ఫూల్ చేస్తున్నానని అనుకోవద్దని మీడియాకు చెప్పారు. ఉప ఎన్నికల్లో ఓటమికి సీఎం, పీసీసీ చీఫ్ బొత్స బాధ్యత వహించాలని డిమాండ్ చేశారు. అధిష్టానం సీఎంను మారుస్తుందన్న చెడ్డపేరు రాకుండా ముందుగానే స్వచ్ఛందంగా తప్పుకోవాలనికూడా సీఎం కిరణ్ కుమార్ రెడ్డి కి ఉచిత సలహా అందించారు.
           ఇంకో ఆసక్తికర ప్రకటన వెలువరించారు.  రాష్ట్రంలో కీలక వ్యక్తులుగా కేసీఆర్, జగన్‌మోహన్‌రెడ్డి, శంకర్రావులే ఉంటారని ఆయన వ్యాఖ్యానించారు. భగవంతుడు కరుణిస్తే తాను కూడా ముఖ్యమంత్రిని అవుతానన్నారు. ముఖ్యమంత్రి, మంత్రిమండలి కూడా రాజీనామాలు చేయాలని డిమాండ్ చేశారు. ముఖ్యమంత్రి కిరణ్‌కుమార్‌రెడ్డి మూడు తప్పుడు జీవోలు విడుదల చేయడం వల్లనే కోర్టులో కేసు వేశానని, ఆయన జైలుకు పోవడం ఖాయమని శంకర్రావు వ్యాఖ్యానించారు.

...avnk