Posted: 03/23/2012 06:24 PM IST

రెవిన్యూ మంత్రి రఘువీరా రెడ్డి  అనంతపురం జిల్లా , మడకశిరలోని గాంధీ విగ్రహం వద్ద మౌనదీక్ష చేపట్టారు.  జిల్లాలో కరువు, రైతుల  ఆత్మహత్యలకు చలించిన  ఆయన ఉగాది పర్వదినాన ఈ దీక్షను చేపట్టారు.  గత పదేళ్లుగా  ఇదే రోజున ఆయన మౌనదీక్షను  చేపడుతూ  దీనిని ఒక అనవాయితీగా కొనసాగిస్తూ  వస్తున్నారు.  కరువు  కారణంగా  జిల్లాలోని  రైతులు ఉగాది  పండుగను సంతోషంగా  చేసుకునే  స్థితిలో  లేరని.. వారికి  సంఘీభావంగా  ఈ దీక్ష చేపడుతున్నట్లు రఘువీరా  చెప్పారు.  ఈ నందన నామ సంవత్సరంలోనైనా వర్షాలు బాగా కురిసి, పాడి పంటలు  బాగా పండి .. రైతులు సుఖసంతోషాలతో ఉండాలని  ఆయన ఈ సందర్భంగా  ఆకాంక్షించారు.