Posted: 03/23/2012 12:43 PM IST

ఉగాది సందర్భంగా శుక్రవారం చలనచిత్ర నంది బహుమతులను సీఎం చేతులు మీదుగా ప్రదానం చేయనున్నట్టు సమాచారశాఖ ఒక ప్రకటనలో తెలిపింది. 2009, 2010 సంవత్సరాలకు సంబంధించిన నంది బహుమతులతో పాటు, ఎన్టీఆర్‌, బీఎన్‌రెడ్డి, నాగిరెడ్డి-చక్రపాణి జాతీయ పురస్కారాలు, రఘుపతి వెంకయ్య అవార్డులు కూడా అందజేస్తారు. శుక్రవారం సాయంత్రం 5.30 గంటలకు లలిత కళాతోరణంలో ఈ ఉత్సవం జరుగుతుంది. 10 గంటలకు పంచాంగ శ్రవణం: 'నందన' నామ సంవత్సర ఉగాది వేడుకల సందర్భంగా శుక్రవారం ఉదయం 10 గంటలకు రవీంద్రభారతిలో పంచాంగ శ్రవణం ఉంటుందని రాష్ట్ర సాంస్కృతిక శాఖ ఒక ప్రకటనలో తెలిపింది. దీనికి సీఎం ముఖ్యఅతిథిగా హాజరవుతారు. ఈ సందర్భంగా ఉగాది విశిష్ట పురస్కారాలనూ ప్రదానం చేస్తారు.