Posted: 03/19/2012 03:01 PM IST

ఇదేంటీ? పరధ్యానంగా, దేహం ఇక్కడ.. మనసు ఇంకెక్కడో ఉండే పిల్లలను మనం తరచూ మొద్దుపిల్లలంటూ తిడుతుంటాం కదా. మరి వారి మెదడు చురుగ్గా ఉండటమేంటీ అనుకుంటున్నారా? కానీ.. పిల్లలు ఊహల్లో తేలటమనేది వారి తెలివితేటలకు సంకేతమేనంటున్నారు ‘యూనివర్సిటీ ఆఫ్ విస్కాన్సిన్-మాడిసన్’ శాస్త్రవేత్తలు. ఎప్పుడూ పరధ్యానంగా ఉండే పిల్లలు, ఇతరులకు కొన్ని లెక్కల ప్రశ్నలు ఇచ్చి పరీక్షించగా పర ధ్యానపు పిల్లలే ఎక్కువ అంకెలను గుర్తుంచుకోగలిగారని వారు వెల్లడించారు. ఎక్కువ జ్ఞాపకశక్తి ఉండటం వల్లే వారు ఒకే సమయంలో రెండు అంశాలపై దృష్టిపెట్టగలిగారని పరిశోధన బృందం సారథి డేనియల్ లెవెన్సిన్ తెలిపారు. దీంతో మనసు ఊహల్లో తేలడానికి, తెలివితేటలకు సంబంధముందన్న విషయం తొలిసారిగా తమ పరిశోధనలో తేలిందన్నారు. అదేవిధంగా అనేక ముఖ్యమైన అంశాలపై మెదడు దృష్టిపెట్టాలంటే అందుకు వర్కింగ్ మెమరీ (సమాచారాన్ని సేకరించే వ్యవస్థ) అనేది కీలకమని డేనియల్ ఈ మేరకు ‘సైకలాజికల్ సైన్స్’ జర్నల్‌లో పేర్కొన్నారు.