Posted: 03/11/2012 05:38 PM IST

          పలు చిత్రాల్లో నటించిన బహు భాషా సినీ నటి రక్షిత కర్ణాటక మాజీ మంత్రి శ్రీరాములు నాయకత్వంలోని బీఎస్‌ఆర్ పార్టీలో చేరారు. శ్రీరాములు పేదల అభ్యున్నతి కోసం పాటు పడుతున్నారని, బీఎస్‌ఆర్‌లో చేరాలని ఎప్పుడో నిర్ణయించుకున్నానని ఆమె తెలిపారు. జాతీయ పార్టీల నుంచి ఆహ్వానం అందినా ఆసక్తి చూపలేదన్నారు.
            ప్రస్తుతం ప్రజలు ప్రాంతీయ పార్టీలను బాగా ఆదరిస్తున్నారని చెప్పారు. జాతీయ పార్టీల్లో చేరితే ప్రతి చిన్న విషయానికీ ఢిల్లీ వెళ్లాల్సి ఉంటుందన్నారు. శ్రీరాములు ఆమెను సాదరంగా తమ పార్టీలోకి ఆహ్వానించారు. రక్షిత తెలుగులో ‘ఇడియట్’, ‘శివమణి’, ‘ఆంధ్రావాలా’, ‘అందరివాడు’, ‘పెళ్లాం ఊరెళితే’ తదితర సినిమాల్లో నటించారు. సినిమాల్లో మెప్పించిన రక్షిత రాజకీయరంగంలో ఎలా నెట్టుకొస్తారో చూడాలి.

...avnk