Ys Jagan Gets Blow From High Court And Also Supreme Court

Posted: 02/14/2012 12:13 PM IST

jagan ఎమార్ కుంభకోణం మీద విచారణను 2005 నుంచి కాకుండా అంతకు ముందునుంచే జరగాలన్న దానిమీద ధర్మాసనం మండిపడింది. ఎమ్మెల్యే శంకరరావు వేసిన పిటిషన్ ఆధారంగా ఎమార్ కేసు మీద దర్యాప్తుకి ఆదేశించటం జరగిందని, దాని మీద సిబిఐ దర్యాప్తు చేసి చార్జ్ షీట్ కూడా దాఖలు చేసింది కదా ఇంకేం కావాలి అని జస్టిస్ దీపక్ ప్రశ్నించగా, ఎమార్ కేసు లో దర్యాప్తుని నిలిపివేయమని, అంతకు ముందు నుంచే విచారణ జరిపించమన పిటిషన్ పెట్టుకున్నవారి తరఫున వాదిస్తున్న న్యాయవాది రంజిత్ కుమార్, విచారణను 2005 నుంచి జరిగిన లావాదేవీల మీదనే విచారణ జరుగుతున్నదని, అలా కాకుండా అంతకుముందు నుంచే జరిపించాలని అనగా, న్యాయమూర్తులు ఈ విషయంలో ఒక సారి తీర్పుని మళ్ళీ చదవమని చెప్తూ, దర్యాప్తు జరిపించమని చెప్పటం జరిగిందే తప్ప ఎప్పటినుంచి చెయ్యాలన్నది అందులో లేదని అన్నారు.

దర్యాప్తు సంస్థ సిబిఐ తరఫున వాదిస్తున్న అదనపు సొలిసిటర్ జనరల్ మాట్లాడుతూ, దర్యాప్తు మీద కాలపరిమితేమీ విధించలేదని, పిటిషనర్ లు అంటున్నట్టుగా 2005 అని కానీ, వారు ప్రస్తుతం కోరుతున్నట్టుగా 2002 నుంచి అని కానీ ఆదేశించలేదని, 2000 సంవత్సరం నుంచే లావాదేవీలను దర్యాప్తు చేసి చార్జ్ షీట్ దాఖలు చెయ్యటం జరిగిందని అన్నారు.

చార్జ్ షీట్ ఫైలు చేసినందువలన పిటిషన్ ని కొట్టివేస్తున్నామని ధర్మాసనం తీర్పు ఇచ్చింది.

అలాగే సుప్రీం కోర్టులోనూ జగన్ కి ఎదురుదెబ్బే తగిలింది. పైవిధమైన ఎమార్ విషయంలో దర్యాప్తు అంతకు ముందునుంచే జరగాలని, ఇంకా, జగతి పబ్లికేషన్స్, నండూరి పవర్ సంస్థల మీద దర్యాప్తు నిలపివేయాలని వేసిన నాలుగు పిటిషన్లనూ సుప్రీం కోర్టు తోసిపుచ్చింది. హైకోర్టు ఆదేశం ప్రకారం దర్యాప్తు జరుగుతోందని, అందులో సుప్రీం కోర్టు జోక్యం కలుగజేసుకోదని చెప్తూ ఆ పిటిషన్లను సుప్రీం కోర్టు కొట్టివేసింది.

-శ్రీజ