Posted: 02/10/2012 12:08 PM IST

          సీపీఐ రాష్ట్ర కార్యదర్శి నారాయణపై ఆర్థిక మంత్రి ఆనం రాంనారాయణ రెడ్డి ఫైరయ్యారు. నీతిమాలిన మాటలు కట్టిపెట్టమన్నారు. సంస్కారం ఉన్నవారెవరూ ఇలా మాట్లాడడన్నారు. ఏమిటీ ఊకదంపుడు వాయింపు... అనుకుంటున్నారా.. ఏంలేదు, కాంగ్రెస్-టీడీపీలు మ్యాచ్ ఫిక్సింగ్ అయ్యాయంటూ సీపీఐ నారాయణ వ్యాఖ్యానించారు కదా..అందుకని..

          ఇది ఇలాఉంటే.., ఈ ఏడాది ప్రవేశపెట్టబోతోన్న బడ్జెట్ గూర్చి తిరుపతి విమానాశ్రయంలో క్లుప్తంగా సమాచారమిచ్చారు మంత్రి. ఈ నెల 17న శాసనసభలో రాష్ట్ర బడ్జెట్ ప్రవేశపెడతామని, ఇప్పటిలాగే వచ్చే ఆర్థిక సంవత్సరంలోనూ పలు సంక్షేమ కార్యక్రమాలు చేపడతామని వెల్లడించారు. అన్ని వర్గాల ప్రజలకు బడ్జెట్ ఆమోదయోగ్యంగా ఉంటుందని రాం నారాయణ రెడ్డి తెలిపారు.

…avnk