Posted: 12/29/2011 10:14 AM IST

చిరంజీవి కాంగ్రెస్ లో చేరిన తర్వాత జరిగిన తొలి ఆవిర్భావ ఉత్సవానికి ఆయన స్వయంగా హాజరుకాకపోవడం చర్చనీయాంశం అయింది.. మెగాస్టార్ చిరంజీవి కాంగ్రెస్ పార్టీ ఆవిర్భావ దినోత్సవానికి గైర్ హాజరవడం అందరి దృష్టిని ఆకర్షించింది. ఆయన కారణాంతరాలవల్ల రాలేదా? లేక తన కోరికలను కాంగ్రెస్ పార్టీ తీర్చలేదన్న అసంతృప్తితో చిరంజీవి రాలేదా? అన్న దానిపై పార్టీలో భిన్న కధనాలు వినిపిస్తున్నాయి. చిరంజీవి అలిగారని, ఆయన అలక తీర్చడానికి హైదరాబాద్ కు గులాం నబీ అజాద్ కూడా వస్తున్నారంటూ కదనాలు వస్తున్నాయి.చిరంజీవికి కేంద్ర మంత్రి పదవి ఇస్తామని, రాష్ట్రంలో ఇద్దరు ప్రజారాజ్యం వర్గీయులకు మంత్రి పదవులు ఇస్తామని కాంగ్రెస్ హామీ ఇచ్చినా అది ఇంతవరకు అమలు కాలేదు.దానితో చిరంజీవి వర్గం కాస్త అలిగి ఉండవచ్చన్న అభిప్రాయం ప్రచారంలోకి వచ్చింది.కాని చిరంజీవి ఇటీవలే రాష్ట్ర సమన్వయ కమిటీ లో సభ్యత్వం కల్పించడం ద్వారా గుర్తింపు ఇచ్చారని, త్వరలోనే కేంద్రంలో మంత్రి పదవి ఇవ్వబోతున్నారని, అందువల్ల ఆయన అలగడానికి అవకాశం లేదని మరికొందరు వాదిస్తున్నారు. ఏది ఏమైనా పార్టీలో ప్రముఖుడుగా ఉన్న చిరంజీవి ఇలాంటి ముఖ్యమైన కార్యక్రమాలకు రాకపోతే అది వార్తే.