Posted: 12/10/2011 10:36 AM IST

చేనేత, జౌళీ శాఖ మంత్రి శంకర్ రావుకు శుక్రవారం న్యూఢిల్లీలో చేదు అనుభవం ఎదురైంది. తెలంగాణ రాష్ట్రం కోసం జంతర్ మంతర్ వద్ద నిరాహార దీక్ష చేస్తున్న నళిని వద్దకు శంకర్ రావు వెళ్లారు. అయితే తెలంగాణవాదులు అతనిని ఆమె వద్దకు వెళ్లకుండా అడ్డుకున్నారు. శాసనసభలో అవిశ్వాసానికి మద్దతు ఎందుకు ఇవ్వలేదో చెప్పాలని వారు శంకర్ రావును డిమాండ్ చేశారు. నాలుగున్నర కోట్ల మంది ప్రజల ఆకాంక్ష కోసం నోరు మెదపలేని దద్దమ్మలంటూ మండిపడ్డారు.

దీంతో కోపానికి గురైన శంకర్ రావు నీవు పిల్లి లాంటి వాడివి.... నేను పులి లాంటి వాడిని... మాతోనే తెఃలంగాణ సాధ్యమంటూనే... ఓ విద్యార్ధి నాయకుడ్ని ‘నీవు హైదరాబాద్ రా... బట్టలు ఊడదీసి కొడతా...’ అంటూ హెచ్చరించారు. ఈ వ్యాఖ్యలు చేస్తున్నంత సేపు ప్రక్కనున్న తెలంగాణ ఎంపీ కూడా మౌనం వహించారు. దీనిని బట్టే అర్థం అవుతుంది తెలంగాణ తేవాలనే ఆకాంక్ష నాయకులలో ఎంత వుందోనని .