Posted: 12/06/2011 09:05 PM IST

ఎంపీ నవజ్యోత్ సింగ్ సిద్ధూ వీరంగం సృష్టించారు. నెల్లూరుకు సమీపంలోని ఓ టోల్‌ప్లాజా వద్ద సిద్ధూ ప్రయాణిస్తున్న కారును డ్రైవర్ ఆపకుండా వెళ్లడంతో ఆగ్రహించిన టోల్‌గేట్ సెక్యూరిటి గార్డు, కారుపై రాయిని విసిరాడు. ఆ సంఘటనతో కోపోద్రిక్తుడైన సిద్ధూ, సెక్యూరిటితో వాగ్వాదానికి దిగడమే కాకుండా... చేయి చేసుకున్నట్టు సమాచారం. సీనియర్ బీజేపీ నేత ఎమ్ వెంకయ్యనాయుడు నిర్వహించిన కార్యక్రమంలో పాల్గొనేందుకు చెన్నై నుండి వెంకటాచలానికి వెళుతుండగా ఈ సంఘటన చోటుచేసుకుంది. తర్వాత సెక్యూరిటి గార్డును బలవంతంగా తన కారులో ఎక్కించుకొని తన వెంట తీసుకువెళ్లారు. సెక్యూరిటీ గార్డులను ఎస్పీ కార్యాలయంలో దించి వెళ్లినట్టు తెలిసింది.