Posted: 11/30/2011 10:02 AM IST

దేశవ్యాప్తంగా సంచలనం రేపుతున్న ఓఎంసీ గనుల వ్యవహారం మరో మలుపు తిరిగింది. అది అటు ఇటు తిరిగి మన వైయస్ రాజశేఖర్ రెడ్డి చేవెళ్ళ చెళ్ళమ్మగా చెప్పుకునే  రాష్ట్ర హోంమంత్రి సబితా ఇంద్రారెడ్డి మెడకు చుట్టుకునేట్టే కనబడుతుంది.

గాలి కేసు నిందితులు సీబీఐకి చెబుతున్న అంశాలు, కోర్టుకు సీబీఐ సమర్పించిన రిమాండ్ డైరీలో సబిత ప్రస్తావన ఉండటంతో అందరి చూపు హోంమంత్రి వైపు పడింది. ఈమె గనుల శాఖ మంత్రిగా ఉన్నప్పుడు లీజుల మంజూరీకి సంబంధించిన నోట్ ఫైల్స్ లో సబిత సంతకం ఉండటం, అనుమతుల ప్రక్రియ అంతా ఒకే రోజు పూర్తి చేయడం వంటి కారణాల వల్ల ఈ మొత్తం వ్యవహారం ఆమె పాత్ర ఉన్నట్లు వార్తలు వెలువడుతున్నాయి.

సబిత తో పాటు అప్పటి ప్రభుత్వంలో కీలక పాత్ర పోషించిన మరికొందరి మెడకు కూడా ఈ వ్యవహారం చుట్టుకోవచ్చని భావిస్తున్నారు. ఏది ఏమైనా సబితకు ఇప్పుడు కాకపోయిన భవిష్యత్తులో సంకెళ్ళు పడవచ్చునని సీబీఐ అధికారులు అనుకుంటున్నారు.