మందు తెగ తాగేశారు

Posted: 04/13/2013 05:54 PM IST

ఈ ఆర్థిక (2012-13)సంవంత్సరం జిల్లాలోని మందు బాబులు ఏకంగా వెయ్యికోట్ల రూపాయలకు మద్యాన్ని తాగేశారు. 'ఆంధ్రజ్యోతి' వివరాలను సేకరించింది. రాష్ట్రంలోనే మద్యం అమ్మకాలు ఎక్కువగా జరిగిన జిల్లాలో మన కృష్ణా జిల్లా ముందు వరుసలో ఉంది. జిల్లాకు చెందిన ప్రొహిబిషన్ అండ్ ఎక్సైజ్ శాఖ నివేదికను ఇటీవలే ప్రభుత్వానికి పంపింది.జిల్లాలో మొత్తం 309 మద్యం దుకాణాలు, 168 బార్ అండ్ రెస్టారెంట్లు ఉన్నాయి. ప్రత్యేకంగా విజయవాడ నగరంలో 47 మద్యం దుకాణాలు, 127 బార్ అండ్ రెస్టారెంట్లు ఉన్నాయి. 2011-12 ఆర్థిక సంవత్సరంలో రూ.743.30 కోట్ల ప్రభుత్వానికి జిల్లా నుంచి ఆదాయం వచ్చింది. 2012-13లో ఈ ఏడాది 2012 ఏప్రిల్ ఒకటో తేదీ నుంచి 2013 మార్చి నెలాఖరు నాటికి జిల్లా వ్యాప్తంగా 28 లక్షల 78 వేల 469 ఐఎంఎల్ మద్యం కేసుల అమ్మకాలు జరిగాయి. ఇదే సమయంలో 14 లక్షల 61 వేల 303 బీరు కేసులు అమ్ముడయ్యాయి. వీటి విలువ రూ.949.78 కోట్లు ఉంటుంది.అన్ని బ్రాండ్‌లకు పెరిగిన గిరాకీ 2011-12 ఆర్థిక సంవత్సరంతో పోలిస్తే ప్రతి ఏటా అన్ని రకాల మద్యం బ్రాండ్‌లకు గిరాకీ పెరుగుతూనే ఉంది.  2011-12 ఆర్థిక సంవత్సరం కంటే 2012-13 ఆర్థిక సంవత్సరంలో ఐఎంఎల్ రకం మద్యం అమ్మకాలు సుమారు 17.09 శాతం పెరిగాయి. అలాగే బీరు కేసుల అమ్మకాలు సుమారు 34.40 శాతం పెరిగింది. మొత్తం మీద రెండు రకాల మద్యం అమ్మకాలు 2011-12 నుంచి 2012-13 ఆర్థిక సంవత్సరం ముగిసే నాటికి 27.78 శాతం మేర పెరిగిందని జిల్లా అధికారులు నుంచి ప్రభుత్వానికి నివేదిక పంపారు.