Posted: 11/26/2012 02:50 PM IST

        కార్తీకమాసం కావడంతో క్రుష్ణాజిల్లా  కొండపల్లి ఖిల్లా, ఫెర్రీలు కిటకిటలాడుతున్నాయి. వివిధ ప్రాంతాలకు చెందిన ఉద్యోగ సంఘాలు, కుల సంఘాలు, విద్యా సంస్థలకు చెందిన విద్యార్థులు వనబోజన కార్యక్రమాల్లో పాల్గొంటున్నారు. మూడు, నాల్గు ఆదివారాలల్లో సందర్శకుల సంఖ్య మరింత పెరిగే అవకాశం ఉంది.
     అయితేచ పర్యాటక కేంద్రమైన ఖిల్లాపై కనీసం మంచినీటి వసతి కూడా లేకపోవడంతో పర్యాటకులు ఇబ్బందులు పడుతున్నారు. కొండపైకి బస్ సౌకర్యం కల్పించాలని ఏళ్ల తరబడి ప్రజలు విజ్ఞప్తి చేస్తున్నా ఆర్టీసీ అధికారులు స్పందించడం లేదు. దీంతో సొంత వాహనాలు లేనివారు కాలి నడకన కొండపైకి వచ్చేందుకు నానా తంటాలు పడాల్సి వస్తోంది.

      ఇబ్రహీంపట్నం ఫెర్రిలో కూడా సరైన వసతులు లేక పర్యాటకులు ఇబ్బందులు పడుతున్నారు. కనీసం స్వచ్ఛంద సంస్థలైనా స్పందించి పర్యాటక ప్రాంతాల్లో మంచినీటి సౌకర్యాలు కల్పించాలని పలువురు కోరుతున్నారు. కాగా ఫెర్రిలో వాసవీ సేవా సమితి ఆధ్వర్యంలో జరిగిన వన సమారాధనలో ఎన్టీటీపీఎస్ ఉద్యోగులు పాల్గొన్నారు.
     మరోపక్క కొండపల్లి ఖిల్లాపై అసాంఘిక కార్యకలాపాలు జరుగుతుంటే కనీసం ఇటువంటి సమయాల్లో కూడా పోలీసు నిఘా లేకపోవడంపై పర్యాటకులు ఇబ్బందులు పడుతున్నారు. ఖిల్లాకు యువతులను తీసుకువచ్చే యువకులపై వచ్చే యువతీ యువకులపై కొందరు పోకరీలు దాడులు చేసి వారి నుంచి నగదు, నగలు తీసుకుపోవడం సంఘటనలు జరుగుతున్నాయి. అక్కడక్కడా జూద కార్యకలాపాలు కూడా జరుగుతున్నట్లు తెలిసింది. ఖిల్లా సందర్శనకు వచ్చే వారిలో కొందరు మద్యం సేవించి మహిళల పట్ల అసభ్యకరంగా ప్రవర్తిస్తునట్లు కూడా ఫిర్యాదులు కూడా వస్తున్నాయి. ఖిల్లా, ఫెర్రి ప్రాంతాల్లో మప్టీలో పోలీసు బృందాలను నియమించాలని పర్యాటకులు కోరుతున్నారు.

...avnk