Posted: 02/02/2013 04:24 PM IST

టీటీడీ  మాస్టర్ ప్లాన్‌లో భాగంగా  తిరుమల శ్రీవారి ఆలయం చుట్టూ ఉన్న ఇంటి స్థలాలు,దుకాణాలను 2003 లో టీటీడీ స్వాధీనం చేసుకుంది. ఇళ్లు పోగొట్టుకున్న వారికి ప్రత్యామ్నాయంగా తిరపతి శేషాచలనగర్‌లో 186 మందిక ఇళ్లను కేటాయించింది. వీరిలో 90 శాతం మందికి తిరుపతిలో టీటీడీ నిర్మించిన శ్రీదేవి కాంప్లెక్స్‌లో షాపులను కేటాయించారు. మిగిలిన 10 శాతానికి షాపులకు కేటాయించాల్సి ఉంది. అయితే 2009 ఏప్రియల్ సమావేశమైన పాలకమండలి తిరుమలలో నూతనంగా నిర్మించే షాపులను నిర్వాసితులకు కేటాయించాలని తీర్మానించారు. ఇందుకు టీటీడీ ఛైర్మన్ కనుమూరి బాపిరాజు కూడా అంగీకరించారు.అయితే.. ప్రలోభాలకు లొంగిన టీటీడీ అధికారులు.. నిర్వాసితులకు కేటాయించాల్సిన దుకాణాలను సామాన్యులకు కేటాయించారు. దీంతో నిర్వాసితులు నిరసన వ్యక్తం చేసి కార్యాలయాన్ని ముట్టడించారు. పాలకమండలి తీర్మానాలను తుంగలో తొక్కి అడ్డదారిలో అధికారులు షాపులు వేరేవారికి కేటాయిస్తే.. తమకు ఆత్మహత్యలే శరణ్యమని నిర్వాసితులంటున్నారు. తమకు న్యాయం చేయాలని బాధితులు వేడుకుంటున్నారు.