Posted: 01/10/2013 01:38 PM IST

       ప్రమాదాలు తలెత్తినప్పుడు మాట్లాడుకోవటం, తూతూమంత్రంగా నివారణ చర్యలు చేపట్టడం మినహా చర్యలు సూన్యం కావటంతో తిరుమల మొదటి ఘాట్ ప్రమాదాలకు నెలవుగా మారుతోంది. ముఖ్యంగా అవ్వాచారి కోన వద్ద తరుచూ ప్రమాదాలు జరుగుతూనే ఉన్నాయి. తాజగా ఈ తెల్లవారుజామున మరో పెద్ద ప్రమాదం సంభవించింది.  నెల్లూరు జిల్లా కావలి మండలం కర్ణపాలెంకు చెందిన శ్రీనివాస్ అనే భక్తుడు ప్రమాదవశాత్తు కాలు జారి లోయలో పడిపోయాడు. దాదాపు 100 అడుగుల లోతులో అతను పడిపోవడంతో శ్రీనివాస్ ను రక్షించేందుకు టిటిడి విజిలెన్స్ అధికారులతో పాటు, ఆక్టోపస్ పోలీసులు చాలా శ్రమపడాల్సి వచ్చింది. అదృష్టవశాత్తు భక్తుడిని పైకి తీసుకురాగలిగారు. ప్రస్తుతం శ్రీనివాస్ రుయా ఆసుపత్రిలో చికిత్స పొందుతున్నాడు. రెండేళ్ల క్రితం అవ్వాచారి లోయ వద్ద ప్రమాదాల నివారణకు రక్షణ ప్రణాళిక సిద్ధం చేసినా ఇప్పటి వరకు అది అమలు కాలేదు. ఫలితంగా దేవుడి పుణ్యం మాటదేవుడెరుగు, భక్తుల ప్రాణాలమీదకొస్తుంది.

...avnk