సాధారణంగా ప్రతిఒక్కరికి కలలు రావడం సహజమే. కానీ అందులో కొన్ని కలలు శుభం కలిగిస్తాయని, మరికొన్ని కలలు అశుభ కలిగిస్తాయని చెబుతున్నారు జ్యోతిష్య నిపుణులు. ఇవి చిన్నపిల్లల నుంచి పెద్దవారి వరకు ప్రతిఒక్కరికి వస్తుంటాయి. కొందరికి భయంకరమైన దెయ్యాలు కనిపిస్తుంటాయని, వాటినుంచి అశుభం కలుగుతుందని అంటుంటారు. మరికొందరికి కలలో డబ్బులు కనిపిస్తే లాభాలు పొందుతారని నమ్ముతుంటారు.
అదేవిధంగా సూర్యుడు కనిపించడం వల్ల కూడా కొన్ని మంచి ఫలితాలు, కొన్ని చెడు ఫలితాలు కలుగుతాయని పేర్కొంటున్నారు. హిందూ సంస్కృతి, సంప్రదాయాల ప్రకారం ప్రతిఒక్కరు సూర్యుడిని భగవానుడిగా కొలిచి, ఆధ్యాత్మికంగా సూర్యనమస్కారాలు చేస్తారు. అటువంటి సూర్యదేవుడు కలలో రావడం మంచిదేనని జ్యోతిష్య నిపుణులు, పురోహితులు తమ శాస్త్రాలప్రకారం పేర్కొంటున్నారు.

ఫలితాలు : కలలో ఉదయించే సూర్యుడు (సూర్యోదయం) అవుతున్నట్లుగా కనిపిస్తే.. వారికి అన్ని నష్టాలు తొలిగిపోయి అనుకున్న పనులు నెరవేరుతాయని పండితులు పేర్కొంటున్నారు. అలాగే వారు ఆరోగ్య సమస్యల నుంచి కోలుకొని, క్షేమంగా వుంటారని వారు వాస్తుశాస్త్రాలప్రకారం వెల్లడిస్తున్నారు. తమ గది మొత్తం సూర్యకాంతితో నిండి వున్నట్లుగా కలలో కనిపిస్తే.. వారికి ఆదాయంలో మంచి పురోభివృద్ధితోపాటు ధనలాభం చేకూరుతుంది. నలుగరిలో గౌరవమన్ననలు పొందుతారు. సంతానం లేనివారికి సంతానప్రాప్తి కలుగుతుంది. సుఖసంతోషాలతో కూడిన జీవన విధానాన్ని కొనసాగిస్తారు. జైలులో వున్న నేరస్తులకు తమ చుట్టూ సూర్యకిరణాలు చుట్టుకున్నట్లుగా కలలో కనిపిస్తే.. వారు జైలు నుంచి విడుదల అవుతారని పండితులు జ్యోత్సం చెబుతున్నారు.
నష్టాలు : అదేవిధంగా సూర్యాస్తమయం అవుతున్నట్లుగా కలలో కనిపిస్తే.. వ్యాపార వ్యవహారాలలో నష్టం వాటిల్లుతుంది. నలుగురిలో అవమానాలను భరించాల్సి వస్తుంది. చేయని నిందలకు దోషులుగా నిలబడాల్సి వస్తుంది. రకరకాలుగా అపనిందలను మోయాల్సి వస్తుంది. నిర్వహిస్తున్న పనులలో ఆటంకాలు ఎదురవుతాయి. అన్ని విధాలుగా కీడు జరుగుతుందని పురోహితులు బల్లగుద్దిమరీ చెబుతున్నారు. అలాగే సూర్యకిరణాలు తమ పక్క మీద పడినట్లుగా కలలో కనిపిస్తే అనారోగ్య సమస్యలు తలెత్తుతాయి.