వేసవికాలంలో ప్రతిఒక్కరు చెమట సమస్యతో బాధపడుతుంటారు. చెమట శరీరం నుంచి బయటకు రావడం చాలా మంచిదే అయినప్పటికీ.. దీనివల్ల దుర్వాసన వ్యాపిస్తుంది. మానవ శరీరంలో వుండే ఉష్ణోగ్రత చెమట ద్వారా బయటకు విసర్జిస్తుంది. 

కొంతమందికి చెమట ఎక్కువగా వస్తే.. మరికొంతమంది చాలా తక్కువ మోతాదులో బయటకు వెళ్లిపోతుంది. మన శరీరంలో స్వేదగ్రంథులు ఎక్కువగా వుండే ప్రదేశం నుంచే ఇది ఎక్కువగా విడుదల అవుతుంది. ఈ చెమట తనతోపాటు శరీరంలో వుండే కొవ్వు పదార్థాలను, ప్రొటీన్లను, ఆమ్ల లవణాలను బయటకు తీసుకెళ్తుంది. ఇంకొకవిధంగా చెప్పాలంటే.. మన శరీరం వేడికి ఎండిపోకుండా కాపాడుతుందన్నమాట. 

సాధారణంగా మన శరీరంలో జరిగే రసాయన ప్రక్రియలు, కొన్ని రకాల మార్పుల వల్ల ఈ చెమట అన్నది బయటకు వస్తుంది. తద్వారా మనలో వుండే ఫంగల్ ఇన్ఫెక్షన్లు, మందులు, కిడ్నీ వ్యాధులు, కాలేయ వ్యాధులు మొదలైనవి బయటకు దుర్వాసన రూపంలో వెలువడుతాయి. 

ఇటువంటి సమస్యలు ముఖ్యంగా చర్మం ఎక్కువగా వెలువడేవారికి సంభవిస్తాయి. అటువంటి సమయాల్లో వారు నలుగురిలో తిరగాలంటే చాలా నామోషీగా ఫీలవుతుంటారు. కాబట్టి చెమట ఎక్కువగా కారేవారికి కొన్ని ముఖ్య చిట్కాలను పాటిస్తే చాలు... మీరు కూడా చెమట నుంచి కొంచెం విముక్తి పొందుతారు. 

చెమట దుర్వాసనను నివారించే చిట్కాలు : 

ఆపిల్ సైడర్ వెనిగర్ : ప్రతిఒక్కరికి చెమట చంకల్లోనే ఎక్కువగా వెలువడుతుంది. కాబట్టి ప్రతిరోజూ ఇంటినుంచి బయటకు వెళ్లేటప్పుడు.. అలాగే ఇంటికి వచ్చిన తరువాత చేతికింది చంకల్లో ఆపిల్ సైడర్ వెనిగర్ ను వేసుకుంటే చాలు. దీంతో మీరు మంచి ఫలితాన్ని పొందవచ్చు. 

బేకింగ్ సోడా : ఇది కూడా చెమట దుర్వాసనను అరికట్టడంలో చాలా సహాయపడుతుంది. ముందుగా కొంచెం బేకింగ్ సోడాను తీసుకుని, అందులో కొన్ని చుక్కల నీళ్లు పోయాలి. అలా వేసి దానిని మెత్తగా పేస్ట్ లా తయారుచేసుకుని.. చెమట ఎక్కువగా వెలువడే ప్రదేశాలలో అప్లై చేసుకోవాలి. ఇలాగే ప్రతిరోజూ వేసుకుని స్నానం చేసుకోవాలి. 

కార్న్ స్ట్రార్చ్ పౌడర్ : సాధారణంగా కొంతమంది చెమట దుర్వాసనను నియంత్రించడానికి టాల్కం పౌడర్స్ ను ఉపయోగిస్తారు. అవి కొద్దపాటివరకు బాగానే వుంటాయి కాని తరువాత మామూలుగానే చెమట కారడం, దుర్వాసన రావడం జరుగుతుంది. అలా కాకుండా కొద్దిగా కార్న్ స్ట్రార్చ్ పౌడర్ ను  చెమటవచ్చే ప్రదేశాలలో వేసుకుంటే చాలు.. అది చెటమను గ్రహించడంతోపాటు దుర్వాసన రాకుండా నివారిస్తుంది. 

నిమ్మరసం : ఇది ఎంతో ఉత్తమమైన హోం రెమెడీ. మీరు స్నానం చేసే ముందు చెమట ఎక్కువగా వెలువడే ప్రదేశాలలో దీనిని అప్లై చేసుకుని, కొద్దిసేపు తరువాత స్నానం చేసుకోవాలి. ఇది చెమట రానివ్వకుండా, దుర్వాసనను అరికడుతుంది. 

కాటన్ దుస్తులు : దుస్తుల విషయాల్లో కూడా కొన్ని జాగ్రత్తలు పాటించాల్సి వుంటుంది. ఫ్యాబ్రిక్ దుస్తులు, తేలికగా వుండే దుస్తులను ధరించడం వల్ల అవి చెమటను గ్రహించి, శరీరం నుంచి దుర్వాసనను వ్యాపిస్తాయి. కాబట్టి కాటన్ దుస్తులను ధరించడమే చాలా వరకు మేలు. 

ఆహారపదార్థాలు : ఎక్కువగా చెమట సమస్యతో బాధపడేవారు మసాలా లేదా కారంగా వుండే పదార్థాలను తీసుకోవడం చాలా శ్రేయస్కరం. 

ఈ విధంగా మీరు అనేక రకాలుగా శరీరం నుంచి వెలువడే చెమటను నియంత్రించడమే కాకుండా... దుర్వాసనను కూడా అరికట్టవచ్చు.