కళ్లు... మహిళల అందాలను మరింత ఆకర్షణీయంగా పెంపొందించడంలో ఎంతో ప్రముఖ పాత్రను పోషిస్తాయి. సాధారణంగా మహిళలు తమ హావభావాలను కూడా ఈ కళ్ల ద్వారా వెల్లడిస్తారు. అమ్మాయిల అందం సాధ్యమైనంతవరకు కళ్ల మీదే ఆధారపడి వుంటుంది. కళ్లు ఎంత సున్నితంగా, ఆకర్షణీయంగా కనిపిస్తాయో.. వారి అందం కూడా అలాగే మెరుగుపడుతుంది. పూర్వం కవులు కూడా కళ్లలో దాగి వున్న అందాన్ని ప్రకృతి సౌందర్యాలతో పోల్చి కవిత్వాలను రాసేవారు.
కళ్లు ఒక మనిషి మనసులో వున్న భావోద్వేగాలను స్పష్టంగా వ్యక్తపరుస్తాయి. కాబట్టి ఇటువంటి నేత్రాలకు మార్కెట్లలో లభ్యమయ్యే అనవసరమైన క్రీములను రాసుకోకూడదు. కంటికి ఏవైనా క్రీములు రాసుకుంటే దానిద్వారా ఇన్ఫెక్షన్ అయి కళ్లు పోయే ప్రమాదం వుంది. అలాగే లెన్సులను వాడేటప్పుడు కూడా చాలా జాగ్రత్తగా వుండాలి. లేకపోతే కళ్లు అస్సలు కనిపించకుండా పోతాయి. అవసరమైతే వైద్య సలహాలను పాటిస్తే మరీ మంచిది.
ఆకర్షణీయమైన కళ్లకోసం సౌందర్య చిట్కాలు...
1. కళ్లు సౌందర్యంగా కనిపించాలంటే ముఖ్యంగా కావాల్సింది వాటికి విశ్రాంతి. ప్రతిరోజు 7 నుంచి 9 గంటలవరకు నిద్రపోతే కళ్లలో ఎటువంటి మంట వుండక... చాలా హాయిగా అనిపిస్తాయి. కాబట్టి తగినంత సేపు వరకు నిద్రపోయి, ఉదయాన్నే లేచి మొహాన్ని, కళ్లను శుభ్రం చేసుకుంటే ఎంతో ఆకర్షణీయంగా వుంటాయి.
2. పాలమీగడతో ప్రతిరోజు కళ్ల చుట్టూ మసాజ్ చేసుకుంటే.. కళ్లచుట్టూ వున్న నల్లని చారలు, ముడతలు తొలగిపోతాయి. మసాజ్ చేసేటప్పుడు కళ్లకు ఎటువంటి ఇబ్బందులు కలగకుండా జాగ్రత్తలు తీసుకోవాలి.
3. ఒక టీ స్పూన్ కీరా రసంలో కొద్దిగా రోజ్ వాటర్ ను కలిపి బాగా కలియబెట్టాలి. ఈ మిశ్రమాన్ని కళ్లకు రాసుకుని అరగంట సేపు వరకు ఆరబెట్టుకోవాలి. తరువాత నీటితో శుభ్రం చేసుకోవాలి. ఇలా ప్రతిరోజూ ఉదయాన్నే చేసుకుంటే.. కళ్లలో ఆకర్షణీయమైన మార్పును గమనించవచ్చు.
4. ఒక గ్లాస్ నీటిలో ఉసిరిపొడిని వేసి ఒక రాత్రి మొత్తం బాగా నానబెట్టాలి. ఈ మిశ్రమంతో ఉదయాన్నే లేచి కళ్లను కడుక్కుంటే కళ్లల్లో వున్న నీరసత్వం తొలగిపోయి తాజాగా మెరుస్తాయి.
5. తక్కువగా నిద్రపోవడం వల్లగానీ, ఎక్కువగా ఏడవటం వల్లగానీ, అలసటగా వున్నప్పుడుగానీ కళ్లు ఉబ్బినట్టుగా కనిపిస్తాయి. అటువంటి సమయంలో గుడ్డులో వుండే తెల్లసొనను కళ్లకు తగలకుండా అడుగుభాగాన జాగ్రత్తగా రాసుకోవాలి. కొద్దిసేపు తరువాత మంచినీటితో శుభ్రం చేసుకుంటే.. కళ్లు తాజాగా తయారవుతాయి.
ఇలా రకరకాల పద్ధతుల ద్వారా కళ్ల చుట్టూ వుండే చారలు, మచ్చలను పోగొట్టుకోవచ్చు. అలాగే కళ్లలో వుండే నీరసత్వాన్ని దూరం చేసి, తాజాగా ఉల్లాసంగా వుండవచ్చు.
(And get your daily news straight to your inbox)
Jun 11 | వేసవికాలం వచ్చిందంటే చాలు... చాలామంది ఇంటి నుంచి బయటకు రావడమే మానేస్తారు. వేసవిలో భూమి, సూర్యునికి కొద్ది దగ్గరగా వెళతాడు. దాంతో సూర్యుని ప్రతాపం భూమి ఎక్కువ అవుతుంది. సూర్యుని నుంచి వెలువడే కిరణాలు... Read more
Apr 29 | రోజువారిగా నిర్వహించుకునే కార్యకలాపాలలో కొన్ని ప్రణాళికబద్ధమైన మార్పులను తెచ్చుకుంటే.. రోజంతా అందంగా, ఆనందంగా, ఆహ్లాదంగా గడపచ్చు. అదెలా అంటే... అందాన్ని పొందడం కోసం ఎంత డబ్బు ఖర్చు చేసినా.. ముఖంపై చిరునవ్వు లేకపోతే సహజ... Read more
Apr 24 | పెళ్లికానున్న ప్రతిఒక్క మహిళ తాను ఎంతో అందంగా, ఆకర్షణీయంగా కనిపించాలని కోరుకుంటుంది. దానికి సంబంధించిన రకరకాల పద్ధతులను కూడా అవలంభించుకుంటారు. చర్మం నిగనిగలాడేందుకు, జుట్టు రాలకుండా వుండేందుకు, చేతులు మృదువుగా కనిపించేందుకు... ఇలా రకరకాలుగా... Read more
Apr 22 | సాధారణంగా కళ్లద్దాలను కంటిలోపం వున్నవారు, ఇన్ఫెక్షన్ వున్నవారు వాడుతారు. కానీ ప్రస్తుతకాలంలో కూడా ఈ కళ్లద్దాలను వాడటం ఒక ట్రెండ్ అయిపోయింది. అమ్మాయిలు అందంగా కనిపించడానికి రకరకాల కళ్లద్దాలు కూడా మార్కెట్లలో లభ్యమవుతున్నాయి. ఇవి... Read more
Apr 07 | అందం విషయంలో మహిళలు ఏం చేయడానికైనా వెనుకాడరు... ఎంత డబ్బు వెచ్చించడానికైనా వారు సిద్ధంగా వుంటారు. నలుగురిలో తమ పర్సనాలిటీని అందంగా మార్చుకోవడానికి ఎటువంటి పద్ధతులనైనా అనుసరిస్తారు. అమ్మాయిలు అందంగా కనిపించడంలో జుట్టు పాత్ర... Read more