అమ్మాయిలు తమ అందాలకు సంబంధించి రకరకాలుగా, కొత్తకొత్తగా ప్రయోగాలు చేస్తూ వుంటారు. కంటికిగాని, కురులందానికిగాని, చర్మం సౌందర్యం కోసం, పాదాలు చిట్లిపోకుండా వుండేందుకు... ఇలా రకరకాలుగా జాగ్రత్తలు తీసుకుంటూ తమ అందాలకు హోయలొలికిస్తారు అమ్మాయిలు.
అలాగే మృదువైన తమ చేతులకు వున్న వేళ్లగోళ్లకు కూడా తగిన జాగ్రత్తలు వహిస్తూ.. కాంతివంతంగా కనిపించేందుకు అనేకరకాల టిప్స్ ను పాటిస్తారు.
సాధారణంగా గోళ్లను చూసి మనుషుల ఆరోగ్యాన్ని అంచనా వేయొచ్చని చాలామంది అంటున్నారు. కాబట్టి ఇటువంటి గోళ్లను మరింత అందంగా మార్చుకోవాలంటే అమ్మాయిలు పాటించాల్సిన కొన్ని చిట్కాలు....
అమ్మాయిలు ఎక్కువగా ఇంటిపనులలో సమయం కేటాయిస్తారు. సామాన్లు కడగటం, బట్టలు ఉతకడం, బోజనా కార్యక్రమాలు చేయడం వంటి పనుల్లో ముగ్ధులైపోతారు. అటువంటి సమయాల్లో వారి గోళ్లకు సబ్బులుకానీ, ఆహార పదార్థాలు అతుక్కుపోతాయి. దీంతో అవి పెలుసుగా మారి, విరిగిపోతాయి. అప్పుడు వేళ్లను గోరువెచ్చని నీరుతో శుభ్రం చేసుకుని, పొడిబట్టతో తుడుచుకోవాలి. ఇలా చేస్తే గోళ్లు కాంతివంతంగా మెరవడమే కాకుండా ఆకర్షణీయంగా కనిపిస్తాయి.
ఒకవేళ ఇంటిపనులమీద ఎక్కువ సమయం కేటాయించాల్సి వస్తే.. చేతులకు గ్లౌజులు వేసుకోవడం చాలా మంచిది. దీంతో కేవలం గోళ్లే కాకుండా, చేతివేళ్లూ కూడా అందంగా వుంటాయి.
నిమ్మకాయ తొక్కలతో గోళ్లను రుద్దితే... అవి ఆరోగ్యవంతంగా తయారవడమే కాకుండా ప్రకాశవంతంగా మెరుస్తాయి.
సాధారణంగా కొంతమందికి గోళ్లచుట్టూ క్యూటికల్స్ వస్తుంటాయి. వాటిని నివారించాలంటే క్యూటికల్ ఆయిల్ ను గోళ్లకు వేసి... క్యూటికల్ కట్టర్స్ తో కత్తిరించుకోవాలి.
గోళ్లు కాంతివంతంగా మెరువడంలో నెయిల్ నౌరిషింగ్ క్రీమ్స్ ప్రధానపాత్ర వహిస్తాయి. ఈ క్రీమ్ ను ఒక చుక్క తీసుకుని గోరు మొదట్లో వేసుకుని మర్ధన చేసుకుంటే అందంగా కనిపిస్తాయి.
చిన్నగోళ్లు వున్నవారు మెరిసే నెయిల్ పాలిష్ ను లేదా మెటాలిక్ పెయింట్లను వాడితే... అవి పొడుగ్గా కనబడటమే కాకుండా కాంతివంతంగా మెరుస్తాయి.
నిపుణుల పరిశోధనల ప్రకారం... గోళ్లకు తరుచుగా నెయిల్ పాలిష్ లు వేసుకోకుండా కొన్నిరోజులపాటు అలాగే వదిలేయడం చాలా మంచిది.
ఒకవేళ గోళ్లు బలహీనంగా కనిపిస్తే... నీళ్లలో కొద్దిసేపు వరకు తడపాలి. తరువాత ఆలివ్ ఆయిల్ తో రెండురోజులకొకసారి 20 నిముషాలపాటు మర్దన చేయాలి. దీంతో గోళ్లు బలంగా, ఆరోగ్యవంతంగా, ప్రకాశవంతంగా తయారవుతాయి.
గోళ్లను కత్తిరించుకోవాలంటే ముందుగా వాటిని నీటిలో తడపాలి. ఇలా చేయడం వల్ల ఒక పద్ధతి ప్రకారంగా వాటిని క్లీన్ గా కట్ చేసుకోవచ్చు.
గోళ్లు మరీ కాంతివంతంగా కనిపించాలంటే... వాటిపై పెట్రోలియం జెల్లీ రాసి, పాలిష్ చేసినట్లు చేయాలి. తరువాత పొడిబట్టతో దానిని రబ్ చేసుకోవాలి.
ఈ విధంగా అమ్మాయిలు తమ గోళ్లను ఆరోగ్యవంతంగా, ప్రకాశవంతంగా వుంచుకోవచ్చు.
(And get your daily news straight to your inbox)
Jun 11 | వేసవికాలం వచ్చిందంటే చాలు... చాలామంది ఇంటి నుంచి బయటకు రావడమే మానేస్తారు. వేసవిలో భూమి, సూర్యునికి కొద్ది దగ్గరగా వెళతాడు. దాంతో సూర్యుని ప్రతాపం భూమి ఎక్కువ అవుతుంది. సూర్యుని నుంచి వెలువడే కిరణాలు... Read more
May 14 | కళ్లు... మహిళల అందాలను మరింత ఆకర్షణీయంగా పెంపొందించడంలో ఎంతో ప్రముఖ పాత్రను పోషిస్తాయి. సాధారణంగా మహిళలు తమ హావభావాలను కూడా ఈ కళ్ల ద్వారా వెల్లడిస్తారు. అమ్మాయిల అందం సాధ్యమైనంతవరకు కళ్ల మీదే ఆధారపడి... Read more
Apr 29 | రోజువారిగా నిర్వహించుకునే కార్యకలాపాలలో కొన్ని ప్రణాళికబద్ధమైన మార్పులను తెచ్చుకుంటే.. రోజంతా అందంగా, ఆనందంగా, ఆహ్లాదంగా గడపచ్చు. అదెలా అంటే... అందాన్ని పొందడం కోసం ఎంత డబ్బు ఖర్చు చేసినా.. ముఖంపై చిరునవ్వు లేకపోతే సహజ... Read more
Apr 24 | పెళ్లికానున్న ప్రతిఒక్క మహిళ తాను ఎంతో అందంగా, ఆకర్షణీయంగా కనిపించాలని కోరుకుంటుంది. దానికి సంబంధించిన రకరకాల పద్ధతులను కూడా అవలంభించుకుంటారు. చర్మం నిగనిగలాడేందుకు, జుట్టు రాలకుండా వుండేందుకు, చేతులు మృదువుగా కనిపించేందుకు... ఇలా రకరకాలుగా... Read more
Apr 22 | సాధారణంగా కళ్లద్దాలను కంటిలోపం వున్నవారు, ఇన్ఫెక్షన్ వున్నవారు వాడుతారు. కానీ ప్రస్తుతకాలంలో కూడా ఈ కళ్లద్దాలను వాడటం ఒక ట్రెండ్ అయిపోయింది. అమ్మాయిలు అందంగా కనిపించడానికి రకరకాల కళ్లద్దాలు కూడా మార్కెట్లలో లభ్యమవుతున్నాయి. ఇవి... Read more