పనసపండు తినండి.. రక్తపోటును నియంత్రించండి!

Posted: 01/10/2015 05:47 PM IST

ప్రకృతిలో లభించే రకరకాల పండ్లు, కూరగాయలు, ఆకుకూరలతోబాటు మరికొన్ని ఆహారపదార్థాల్లో మానవ శరీరానికి కావలసిన ఎన్నో ఔషధగుణాలు లభ్యమవుతాయని శాస్త్రజ్ఞులు తమ పరిశోధనల ద్వారా వెల్లడించిన విషయం తెలిసిందే! అలాగే వైద్యులు కూడా ఈమేరకు సలహాలే ఎక్కువగా ఇస్తుంటారు. అయితే.. ఈ పదార్థాలన్నింటింలో ఒక్కొక్కదానికి ఒక్కొక్క ప్రత్యేకగుణం వుంటుంది. కొన్ని గుండెసంబంధిత వ్యాధులను నివారిస్తే.. మరికొన్ని చిరుజబ్బులను దరికి చేరకుండా కాపాడుతాయి. మరికొన్ని నిత్యం ఉత్తేజంగా వుండేలా సహాయపడుతాయి. ఇలా ఈవిధంగా అనేక పోషకాలు ప్రకృతిలో లభించేవాటితోనే మానవుడు పొందవచ్చు.

ఇక విషయానికొస్తే.. ప్రస్తుతం ఫాస్ట్ జనరేషన్’లో చిన్నపిల్లల నుంచి పెద్దలవరకు పరుగులతో కూడిన జీవితాన్నే గడుపుతున్నారు. ఉదయం లేవగానే తయారవ్వడం, స్కూళ్లకు, ఆఫీసులకు బయలుదేరడం లాంటివి కార్యక్రమాలే చూసుకోవడానికే సరిపోతోంది. ఒక్క మాటలో చెప్పాలంటే.. ప్రతిఒక్కరు ఒకర్నొకరితో పోటీపడుతూ కాలాన్ని గడుపుతున్నారు. అయితే ఈ విధంగా ఉరుకులు, పరుగులతో కూడిన జీవితాన్ని గడిపితే దాని ఫలితం ఎంతో ప్రమాదకరంగా వుంటుంది. ముఖ్యంగా రక్తపోటు (బ్లెడ్ ప్రెజర్ -బీపీ) సమస్య వచ్చే అవకాశాలు మెండుగా వున్నాయి. ఒక్కసారి వచ్చిందంటే.. జీవితాంతం ఎట్టిపరిస్థితుల్లోనూ వదలదు.

అటువంటి పరిస్థితుల్లో ఈ రక్తపోటు సమస్య నుంచి కొంతమేరకు బయటపడాలంటే.. అందుకు నిత్యం పనసపండు తింటే చాలు! ఈ పండ్లను నిత్యం తీసుకోవడం వల్ల పూర్తిగా రక్తపోటు సమస్య తగ్గిపోదు కానీ.. అది కంట్రోల్’లో వుంటుందని వైద్యులు తెలుపుతున్నారు. ఎందుకంటే.. ఈ పండులో పొటాషియం సమృద్ధిగా లభిస్తుంది. ఈ పొటాషియం రక్తప్రవాహ వేగాన్ని తగ్గిస్తుందని.. తద్వారా రక్తపోటు అదుపులో వుంటుందని పేర్కొంటున్నారు. కాబట్టి.. రోజు పనసపండ్లు తింటే.. రక్తపోటు అదుపులో వుండి ఆరోగ్యంగా వుండొచ్చు.